Rossiya terma jamoasining sobiq bosh murabbiyi Stanislav Cherchesov OAV vakillari bilan suhbatda Premyer-ligada xorijlik futbolchilarga qo‘yilgan cheklovlarning kuchaytirilishi haqidagi ma’lumotlarga munosabat bildirdi. Bu haqida Euro-football.ru xabar berdi.
Uning so‘zlariga ko‘ra, cheklov allaqachon qabul qilingan va agar o‘zgarish bo‘lsa, u bugun yuz bermaydi. Cherchesov ta’kidlashicha, muhim narsa legionerlar sonini kamaytirish emas, balki sifatli futbolchilarni tanlash va o‘z yetuk kadrlarimizni tarbiyalashdir.
Shunda raqobat muhiti yaxshilanadi. Hozirgi cheklovga ko‘ra, Premyer-liga klublari mavsum uchun arizalarida 13 dan ortiq xorijlik futbolchini ro‘yxatga kiritolmaydi, maydonda esa bir vaqtning o‘zida sakkizdan ko‘p legioner bo‘lishi mumkin emas.
Rossiya chempionatining yangi mavsumi 18 iyul kuni boshlanadi.
