Spartak Barkoni 15 millionga sotmadi

Yozgi transfer oynasida «Spartak» jamoasini hujumchi yarim himoyachi Esekiel Barko tark etishi mumkin. Bu haqida Euro-football.ru xabar berdi.

26 yoshli argentinalik futbolchiga braziliyalik «Flamengo» klubi qiziqish bildirmoqda. Metaratings ma’lumotlariga ko‘ra, «Flamengo» yaqinda Barko uchun 15 million yevro va bonuslarni taklif qilgan.

Biroq, «Spartak» jamoasi bu taklifni rad etgan. Hozirda ikki klub futbolchi bo‘yicha muzokaralar olib bormayapti.

Avvalroq matbuotda Barkoning oilaviy sabablar tufayli Lotin Amerikaga qaytishni istayotgani haqida xabarlar tarqalgan edi. «Spartak» safida Esekiel Barko 36 rasmiy o‘yinda maydonga tushib, 14 ta gol urgan va 9 ta golga uzatma bergan.

Uning «qizil-oq» jamoa bilan shartnomasi 2027 yil o‘rtalarigacha amal qiladi.