Moskva “Lokomotiv” jamoasining himoyachisi Lukas Fasson faoliyatini boshqa klubda davom ettirishi mumkin. Bu haqida Euro-football.ru xabar berdi.
BolaVip nashrining xabar berishicha, futbolchiga Braziliyaning “Kruzeiro” jamoasi qiziqish bildirgan, biroq “Kruzeiro” futbolchini sotib olishdan voz kechgan. Lukas Fasson hozirda boshqa takliflarni kutmoqda, jumladan braziliyalik klublardan ham.
Fasson braziliyalik futbolchi bo‘lib, 2022 yilda “Atletiko Paranaense” jamoasidan “Lokomotiv”ga o‘tgan. Hozirda uning “Lokomotiv” bilan shartnomasi yana bir yil davom etadi.
Futbolchi barcha rasmiy musobaqalarda “Lokomotiv” safida jami 44 o‘yinda maydonga tushgan. Uning klubdagi kelajagi hozircha noaniq bo‘lib, yangi takliflarni kutib turibdi.
