Hujumchi Vinisius Zunior "Real" bilan shartnoma uzaytirish bo‘yicha muzokaralarni sekinlashtirdi. Bu haqida Euro-football.ru xabar berdi.
Fichajes xabariga ko‘ra, Vinisius va uning vakillari vaqtni yutib, o‘rta muddatli istiqboldagi barcha imkoniyatlarni baholamoqchi. Hozirgi shartnoma 2027 yil o‘rtalarigacha mo‘ljallangan.
Agar u kelishuvni yangilamasa, keyingi yozda, shartnoma muddati tugashidan bir yil oldin, qiziqqan klublar uni osonroq sotib olish imkoniga ega bo‘ladi. Shunday qilib, Vinisius o‘z taqdirini qo‘lida ushlab turishni maqsad qilgan.
"Real" klubi esa Vinisiusning bu pozitsiyasidan norozi. "Qirollik klubi" yozda 25 yoshli braziliyalik yulduzni iloji boricha yuqori narxda sotish uchun transfer imkoniyatini ko‘rib chiqishga tayyor.
Transfermarkt portali Vinisiusni 170 million yevroga baholamoqda.
