Luka Modrich «Milan»ga o‘tish sababini aytdi

Xorvatiyalik yarim himoyachi Luka Modrich yaqinda «Milan» klubiga o‘tib, faoliyatini Italiya jamoasida davom ettirish sabablari haqida gapirdi. Bu haqida Euro-football.ru xabar berdi.

Uning so‘zlariga ko‘ra, «Milan» Yevropaning eng yirik klublaridan biri bo‘lib, u yerda o‘rtacha natijalarga rozi bo‘lish mumkin emas. Klub doimo imkon qadar ko‘proq gol urishga, ko‘plab chempionliklarni qo‘lga kiritishga va dunyoning eng kuchli jamoalari bilan raqobatlashishga intiladi.

Shu sababli u aynan «Milan»ni tanlaganini ta’kidladi. Bundan tashqari, Modrich «Rossoneri» rahbariyati vakilining Xorvatiyaga bevosita tashrifi uni chuqur ta’sirlantirganini bildirdi.

Bu tashrif orqali futbolchi jamoa uning ishtirokiga qanchalik muhtoj ekanligini anglagan. Luka Modrich ushbu transfer oynasida «Milan»ga o‘tdi.

Italiyaning mashhur klubi xorvatiyalik futbolchi bilan bir yillik shartnoma imzoladi. Modrich yangi klubda 14-raqam ostida maydonga tushadi.

U o‘zining tajribasi va mahorati bilan «Milan» jamoasiga katta hissa qo‘shishini maqsad qilgan.