Chelestini: CSKA hujumchilari kamida o‘nta gol urishi kerak
CSKA jamoasining bosh murabbiyi Fabio Chelestini hujum chizig‘i haqida fikrlarini bildirdi. Bu haqida Euro-football.ru xabar berdi.
Shveysariyalik mutaxassis hujumchilarning hujumdagi roli juda katta ekanini ta’kidladi va ular mavsum davomida kamida o‘nta gol urishi kerakligini aytdi. Unga ko‘ra, agar jamoada o‘n tadan kam bo‘lmagan gol urishga qodir ikki-uch nafar hujumchi bo‘lsa, jamoa eng yuqori maqsadlarni amalga oshira oladi.
Shuningdek, Chelestini samarali o‘yin ko‘rsatadigan yarim himoyachilar ham borligini ta’kidladi. Bu esa jamoaning hujumdagi o‘yin uslublarini kengaytirib, vazifalarni osonlashtiradi.
2025/2026 yilgi mavsumning birinchi turida CSKA safarda RPLga qaytgan Orenburg jamoasi bilan bahs olib boradi. Chelestini jamoaning hujumchi va yarim himoyachilariga katta ishonch bildirar ekan, yuksak natijalarga erishishga tayyor ekanligini ta’kidladi.
