Sport yangiliklari

Alisher Nikimbayev oʻzining telegram kanalida «Paxtakor» hozirga kelib Elit OChLda qancha pul ishlab olganini ma'lum qildi. Mutaxassisning ma'lum qilishicha, «sherlar» hozirga kelib 1,1 million dollar ishlab olishgan. Musobaqadagi ishtiroki uchun — 800 ming dollar. Har bir uchrashuvdagi gʻalaba uchun — 100 ming dollar. «Paxtakor» kecha ilk gʻalabasini qoʻlga kiritdi. 1/8 final yoʻllanmasini qoʻlga kiritgani uchun — 200 ming dollar. Manba: t.me/ANikimbaev

Chempionlar Ligasi chorak finaliga chiqish bahsida “Real” va “Manchester Siti” bugun, 19-fevral kuni javob uchrashuvida toʻqnash keladi. Nufuzli sport nashrlari “Manchester Siti”ning ushbu uchrashuv uchun asosiy tarkibi haqida oʻz taxminlarini bildirdi. Opta nashri himoyada Gvardiol, Ake, Ruben Dias va Riko Lyuis toʻrtligi maydonga tushishi mumkinligini taxmin qilmoqda. Sportsmole nashrining taxminiy tarkibida ham Husanov kiritilmagan. Nashrga koʻra, “Manchester Siti”ning ehtimoliy asosiy tarkibi quyidagicha boʻlishi mumkin: Ederson; Nunes, Dias, Ake, Gvardiol; Gonsales; Savino, Silva, De Bryuyne, Marmush; Holand. Nashrning fikricha, “Manchester Siti” bu oʻyinda mustahkam himoya tizimidan foydalanishi mumkin. Ruben Dias va Neytan Ake mushaklaridagi zoʻriqish sababli “Nyukasl”ga qarshi oʻyinda maydonga tushmagan boʻlsa-da, bugungi bahsda ularga imkoniyat berilishi kutilmoqda. NBC Sports nashri esa jarohat olgan Akanji oʻrniga Lyuisni tarkibga qoʻshgan. Sportingnews nashrining taxminiga koʻra, Abduqodir Husanov bugungi uchrashuvda asosiy tarkibda maydonga tushadi. Nashrga koʻra, “Manchester Siti” 4-2-3-1 sxema bilan quyidagi tarkibda harakat qiladi: Ederson (darvozabon) – Husanov, Dias, Ake, Gvardiol – Stouns, Niko – Savino, Foden, Marmush – Holand. Fansided nashri ham Husanovning asosiy tarkibda maydonga tushish ehtimoli yuqori ekanini qayd etgan. “Manchester Siti”ning yana bir ehtimoliy tarkibi: Ederson, Husanov, Dias, Stouns, Ake, Lyuis, Gvardiol, Savino, Foden, Holand, Marmush. Eslatib oʻtamiz, jamoalar oʻrtasidagi dastlabki uchrashuvda “Manchester Siti” 2:3 hisobida magʻlub boʻlgan edi. Javob uchrashuvi bugun, 19-fevral kuni boʻlib oʻtadi. Ma'lumot uchun, jamoalar oʻrtasidagi dastlabki uchrashuv Gvardiola shogirdlarining 2:3 hisobidagi magʻlubiyati bilan yakunlangan edi. Javob oʻyini bugun, 19 fevral kuni boʻlib oʻtadi.

Angliya Premer-ligasining joriy mavsumida chempionlik uchun kurash tobora qizgʻin pallaga kirib bormoqda. Opta statistika markazining superkompyuteri Premer-liga jamoalarining chempionlikka erishish imkoniyatlarini hisoblab chiqdi. Unga koʻra, musobaqa jadvalida peshqadamlik qilayotgan “Liverpul”ning birinchi oʻrinni egallashi 85,8 foiz aniq boʻlib chiqdi. Ikkinchi oʻrinda borayotgan “Arsenal” klubining liverpulliklardan oʻzib ketish imkoni 14,1 foiz deb baholandi. Amaldagi chempion “Manchester Siti” qishda toʻrtta transferni amalga oshirgan edi. Biroq sun'iy intellektning hisob-kitobiga koʻra, Abduqodir Husanov, Niko Gonsales, Vitor Reys va Umar Marmush jamoaga chempionlik unvonini saqlab qolishga deyarli yordam bera olmaydi. Superkompyuter “shaharliklar”ning chempion boʻlish ehtimolini 0,1 foiz deb koʻrsatdi.

Oʻzbekiston U-20 terma jamoasi futbolchisi Saidumarxon Saidnurullayev Eronga qarshi oʻyin oldidan oʻz fikrlarini bildirib oʻtdi. — Oʻyin haqida — Bizni yaxshi oʻyin kutib turibdi. Birinchi vazifa — guruhdan chiqdik, lekin 3-turda ham gʻalaba qozonib, 1-oʻrin bilan guruhdan chiqishni maqsad qilganmiz. Gʻalaba uchun maydonga tushamiz. — Eron haqida — Murabbiylarimiz bilan raqibni oʻrganib chiqdik, Eron bilan har doim oʻyinda raqobat boʻlgan. Ikkala jamoa ham chorak finalga chiqqan boʻlsa ham, menimcha, bu ahamiyatsiz. Chunki ular ham biz ham faqat gʻalaba uchun maydonga tushamiz. Yaxshi raqib, lekin bizda ham oʻzimizning rejamiz bor. — Chorak final va ehtimoliy raqiblar haqida — Hozir bor e'tiborimiz ertangi oʻyinga qaratilgan. Eron bilan oʻyindan keyin chorak final haqida oʻylaymiz. Oʻzini oldiga maqsad qoʻygan jamoa uchun kim raqib boʻlishining ahamiyati yoʻq, biz oʻz ishimizni qilamiz va gʻalaba qozonishga harakat qilamiz.

"Real" Evropa Chempionlar Ligasi pley-off bosqichi javob uchrashuvida "Manchester Siti"ni qabul qiladi. Manchesterda boʻlib oʻtgan dastlabki oʻyinda madridliklar 3:2 hisobida gʻalaba qozongan boʻlsa-da, keyingi bosqich masalasi boʻladigan uchrashuvda hal boʻladi. "Real" bosh murabbiyi Karlo Anchelotti hal qiluvchi bahs oldidan raqib jamoa bosh murabbiyi Xosep Gvardiola haqida fikr bildirdi. — Qarshimda Gvardiolani koʻrishdan charchadim. Men hamon uni ajoyib murabbiy deb hisoblayman, lekin unga qarshi oʻynash jonimga tegdi. Shunga qaramay, uning ishini kuzatish yoqimli jarayon, — dedi Karlo Anchelotti.

EChL 1/16 final javob oʻyinlari doirasidagi bir necha bahslar boʻlib oʻtdi. Ushbu oʻyinlarda quyidagi natijalar qayd etildi: Atalanta – Bryugge 1:3 Gol: 0:1 – 3 Talbi, 0:2 – 27 Talbi, 0:3 – 45+3 Judjla, 1:3 – 46 Lukman. Dastlabki bahs: 1:2 Atalanta – Karnezekki, Kolashinas (Posh, 77), Djimshiti, Toloi, Pashalich (Lukman, 46), Dzappakosta, de Ron, Ederson (Breshianini, 83), Kuadrado (Bellanova, 75), Retegi (Samardjich, 75), de Ketelare. Bryugge – Minole, de Keyper, Mexele, Ordones, Seys, Yashari, Nvadike, Tsolis (Nilsen, 75), Vanaken, Talbi (Sike, 54), Judjla (Nilsson, 86). Ogohlantirishlar: Kolashinas (11), Nvadike (36), Tsolis (60), Djimshiti (80), Nilsson (87), de Keyper (87), de Ron (87). Chetlatish: Toloi (87). Bavariya – Seltik 1:1 Dastlabki bahs: 2:1 Gol: 0:1 – 63 Kyun, 1:1 – 90+4 Devis. Bavariya – Noyer, Gerreyru (Devis, 64), Kim Min Chje, Upamekano, Stanishich, Goretska, Kimmix, Gnabri (Sane, 64), Musiala (Myuller, 90+5), Olise, Keyn (Koman, 46). Seltik – Shmeyxel, Trasti, Karter-Vikers, Shlupp, Djonston, Xatate, Makgregor, Engels, Jota (Ida, 60), Maeda, Kyun (Yan Xen Chjun, 69). Benfika – Monako 3:3 Dastlabki bahs: 1:0 Gol: 1:0 – 22 Aktyurkoglu, 1:1 – 32 Minamino, 1:2 – 51 Ben-Segir, 2:2 – 76, penalti Pavlidis, 2:3 – 81 Ilenikena, 3:3 – 84 Kekchyu. Benfika – Trubin, Alvaro Fernandes, Otamendi, Antoniu Silva, Tomash Arauju, Kekchyu (Rego, 88), Barreyro, Eursnes, Skellerup (Dal, 58), Pavlidis (Belotti, 87), Aktyurkoglu (Amduni, 58). Monako – Mayeski, Kayo Enrike (Uattara, 80), Diatta, Mavissa Elebi (Ilenikena, 80), Kerer, Singo, Ben-Segir, Kamara, Akliush, Minamino (Mishal, 87), Embolo (Biret, 65). Ogohlantirishlar: Akliush (62), Barreyro (67), Amduni (71).

Oʻzbekistonlik futbolchi yangi Shengen vizasini Gretsiya orqali olgani bois «Siti» Ispaniya chegarasida muammo boʻlmasligi uchun Husanovga alohida samolyot ajratdi. Bu samolyot Manchester-Afina-Madrid yoʻnalishida parvozni amalga oshirdi. Shu bois Abduqodir jamoadan keyinroq Madridga etib bordi. Manba: @PenaltyNarzulla

“Real” rahbariyati jamoani 2021 yildan beri boshqarib kelayotgan Karlo Anchelotti oʻrnini egallashi mumkin boʻlgan yangi nomzod topdi. Italiyalik mutaxassisning klub bilan shartnomasi 2026 yilning yozigacha davom etishi belgilangan boʻlsa-da, jamoa joriy mavsumdan keyin boshqa murabbiyga topshirilishi mumkin. Aslida madridliklar bosh murabbiylikka “Bayer”da muvaffaqiyatli ishlayotgan Xabi Alonsoni olib kelmoqchi edi. Lekin “Bayer” bosh direktori Fernando Karro ispaniyalik murabbiy bilan kelasi mavsumda ham ishni davom ettirish istagini aytganidan keyin “Qirollik klubi” boshqa yoʻl tutishiga toʻgʻri kelmoqda. Daily Mail nashrining yozishicha, “Real” ayni paytda “Bornmut”ni boshqarayotgan Andoni Iraolani bosh murabbiy qilib tayinlashni rejalashtirmoqda. Madridliklarga 42 yoshli murabbiy qoʻllayotgan hujumkor oʻyin uslubi juda ma'qul kelgani aytilmoqda. Qolaversa, Xabi Alonso va Andoni Iraolaning manfaatlarini bir agentlik himoya qilayotgani ham "Real" e'tiboridan chetda qolmadi.

“Real” hujumkor futbolchisi Rodrigo Goes anchadan beri Evropaning bir necha grand klublarini qiziqtirib keladi. Xususan, “Manchester Siti” bosh murabbiyi Xosep Gvardiola ham braziliyalik yulduzni oʻz shogirdlari orasida koʻrishni istaydi. Todofichajes nashrining ma'lum qilishicha, “shaharliklar” 24 yoshli fubolchi uchun 150 million yevro xarajat qilishni rejalashtirgan. Rodrigoning madridliklar bilan shartnomasi 2028 yilning yarmigacha davom etishi belgilangan. Bu hujumchi joriy mavsumda 21 ta uchrashuvda ishtirok etib, oltita gol va beshta assist muallifi boʻldi. Transfermarkt ekspertlari bu futbolchini 100 million yevroga baholamoqda. Manchesterliklar taklif qilayotgan summa “Real” rahbariyatini qoniqtirishi mumkinligi aytilyapti.

“Barselona” etakchilaridan biri Lamin Yamal klubning transfer siyosatiga qarshi chiqdi. Bu haqda El Nacional nashri xabar tarqatdi. Manbaga koʻra, kataloniyaliklar yozgi transferlar vaqtida oʻng qanot himoyasini kuchaytirish uchun yangi ijrochi olib kelish ustida ishlamoqda. Bu pozitsiyada fransiyalik Jyuo Kunde toʻp tepadi. 17 yoshli Yamal bu qanotga yangi oʻyinchi olish kerakmasligini ta'kidladi. Ispan futbolchisiga Jyul Kunde bilan bir jamoada oʻynash yoqmoqda. Yamal joriy mavsumda ham samarali oʻyin namoyish qilyapti. U barcha turnirlarda 31 marotaba maydonga tushib, oʻz hisobiga 11 ta gol va 15 ta assist rasmiylashtirib qoʻydi. Transfermarkt portali tomonidan 180 million yevroga baholanayotgan futbolchining amaldagi shartnomasi 2026 yilning yozigacha davom etadi. “Barselona” rahbariyati oʻyinchi 18 yoshga toʻlgan kuni u bilan uzoq muddatli yangi bitim imzolashni rejalashtirgan.

Elit Chempionlar ligasi nimchorak finalida "Paxtakor"ga qaysi jamoa raqiblik qilishi ma'lum boʻldi. "Istiqlol" safarda "Ar-Rayyan"ni taslim etganidan soʻng "sherlar" Elit Chempionlar ligasi turnir jadvalida 8-oʻringa joylashdi va soʻnggi yoʻllanma sohibiga aylandi. Endilikda, ular turnir jadvalini birinchi oʻrinda yakunlagan "Al-Hilol" bilan chorak final yoʻllanmasi uchun kurash olib boradi. Ular soʻnggi turda "Al Vasl"ni taslim etdi va toʻplar nisbatiga koʻra, "Al-Ahli"ni ortda qoldirdi. Elit OChL 1/8 final juftliklari: 1. "Paxtakor" - "Al Hilol" (Saudiya Arabistoni) 2. "Al Rayan" (Qatar) - "Al Ahli" (Saudiya Arabistoni) 3. "Istiqlol" (Eron) - "Al Nassr" (Saudiya Arabistoni) 4. "Al Vasl" (BAA) - "Al Sadd" (Qatar) Birinchi oʻyinlar jadvalda pastroqda boʻlgan jamoa uyida, javob bahsi esa yuqoriroqdagi klub maydonida boʻlib oʻtadi. "Paxtakor" ilk bellashuvni 3 yoki 4 mart kuni "Al Hilol"ga qarshi Toshkentda oʻtkazadi, javob bellashuvi bir hafta oʻtib Saudiya Arabistonida boʻlib oʻtadi.

"Manchester Siti" ertaga Madridda EChL doirasidagi "Real"ga qarshi javob oʻyinini oʻtkazadi. Jamoa Ispaniyaga 22 futbolchi bilan yoʻl oldi, ular orasida Abduqodir Husanov ham bor. Darvozabonlar: Stefan Ortega, Ederson, Skott Karson. Himoyachilar: Ruben Diash, Jon Stouns, Natan Ake, Yoshko Gvardiol, Abduqodir Husanov, Riko Lyuis. Yarim himoyachilar: Mateo Kovachich, Jek Grilish, Jeremi Doku, Niko Gonsales, Kevin De Bryuyne, Ilkay Gyundogan, Bernardu Silva, Savino, Mateush Nunes, Fil Foden, Jeyms Makati. Hujumchilar: Omar Marmush, Erling Xoland. Eslatib oʻtamiz, Manchesterda oʻtgan ilk oʻyin "qirollik klubi"ning 3:2 hisobigagi gʻalabasi bilan yakunlangan.

Oʻz davrida “Manchester Yunayted” yulduzi boʻlgan va keyinchalik bosh murabbiy sifatida “Navbahor”da ishlagan Andrey Kanchelskis Abduqodir Husanovning “Manchester Siti”ga transferi haqida fikr bildirdi. - Husanovning “Manchester Siti”ga oʻtishi Oʻzbekiston futboli uchun juda katta voqea boʻldi. Men Oʻzbekistonda sport direktori emas, bosh murabbiy boʻlib ishlaganman. Oʻshanda men bu mamlakatda iste'dodli yoshlar juda koʻpligini koʻrgan edim. Biroq xuddi Rossiyada boʻlgani kabi ularda ham talantlar kamayib boryapti. Hali Oʻzbekistonda talantlar bor. Eng muhimi, ularni topib, toʻgʻri yoʻlda rivojlantirishdir, - dedi Andrey Kanchelskis.

Angliya Premer-ligasining eng badavlat klublaridan biri “Nyukasl” asosiy hujumchisi Aleksander Isaakni ushlab qolishi qiyin boʻladigan koʻrinadi. The Telegraph nashrining yozishicha, shved hujumchisi yozda boshqa klubga oʻtishi kutilmoqda. “Nyukasl” rahbariyati agar jamoa kelasi mavsum Evropa Chempionlar ligasiga yoʻllanma ola bilmasa, Isaakni sotib yuborishga qaror qilgan. Hozircha, “qargʻalar” musobaqa jadvalida 41 ochko bilan ettinchi pogʻonada bormoqda. Chempionlar ligasiga yoʻllanma beradigan hozirgi oʻrin – toʻrtinchi pogʻonaga “Manchester Siti”, “Chelsi”, “Bornmut” ham da'vogarlik qilyapti. Oʻtgan turda “Nyukasl” toʻgʻridan toʻgʻri raqobatchi “Manchester Siti”dan 0:4 hisobida magʻlubiyatga uchradi. Bellashuvda “shaharliklar” himoyachisi Abduqodir Husanov Aleksander Isaakka umuman oʻyin bermadi. 25 yoshli hujumchiga hozirning oʻzida “Arsenal”, “Liverpul”, “Barselona” va “Chelsi” qiziqish bildirmoqda. Isaak joriy mavsum 29 ta uchrashuvda 19 ta gol va 5 ta assist muallifi boʻldi. Transfermarkt portali ekspertlari uni 75 million yevroga baholadi.

Ertaga Evropa Chempionlar ligasi oʻtish oʻyinining javob bahsi doirasida "Real" "Manchester Siti"ni qabul qiladi. Ushbu bellashuv oldidan bir qator xorij nashrlari oʻz versiyasiga koʻra, taxminiy tarkiblarni e'lon qilmoqda. Jumladan, "SportsMole" nashrining versiyasi quyidagicha: "Manchester Siti": Ederson, Nunes, Diash, Ake, Niko, Bernardu, Foden, De Bryuyne, Marmush, Xoland. "Real Madrid": Kurtua, Valverde, Ryudiger, Asensio, Mendi, Kamavinga, Tchuameni, Rodrigo, Bellingem, Vinisius, Mbappe. Ta'kidlash lozim, "shaharliklar" safida toʻp tepayotgan hamyurtimiz Abduqodir Husanov ushbu bellashuvni zaxiradan boshlashi kutilmoqda.

"Real Madrid" bosh murabbiyi Karlo Anchelotti "Manchester Siti"ga qarshi javob bahsidan avval matbuot anjumanida ishtirok etdi. Italiyalik mutaxassis hakamlar bilan bogʻliq muammolar, boʻlajak uchrashuv va bir necha futbolchilarning holati haqida gapirdi. - “Ertangi uchrashuv uchun rejangiz qanday? - Bizda oʻtgan haftadagi bilan bir xil reja bor. Deyarli hech narsani oʻzgartirmoqchi emasmiz. - "Barselona" va "Rayo Valekano" bilan bogʻliq vaziyat haqida nima deysiz? - Toʻgʻrisi, bu borada aytadigan gapim yoʻq. Bunday holatlar hali ham yuz berayotgani ajablanarli. "Osasuna", "Atletiko" va "Espanol" bilan sodir boʻlgan voqealardan norozi boʻldik. Keyingi voqealarni esa guvohi boʻlgansiz. Shu bilan birga, men Chempionlar ligasidagi hakamlarni afzal koʻraman. La Ligada jiddiy xatolar qilinmoqda va bu tuzatilishi kerak. - VARga fikringiz qanday? - VAR hakamlarning qaror qabul qilishiga ortiqcha vaqt sarflaydi. Bu hozirgi kunda juda xavfli hisoblanishini hammamiz bilamiz. VAR faqat oʻyinga ta'sir qiluvchi muhim vaziyatlar uchun ishlatilishi kerak. U bunchalik koʻp qaror qabul qilmasligi zarur. - Gʻalaba qozonish uchun imkoniyatlaringizni qanday baholaysiz? - Oʻyindan oldin Gvardioladan soʻrayman. Ularning keyingi bosqichga chiqish imkoniyati faqat 1% ekaniga ishonadimi? Ishonchim komilki, ular bundan koʻproq imkoniyatga ega ekanliklarini oʻylashadi, xuddi bizning imkoniyatimiz 99% emasligi kabi. - Oʻyinga yondashuvingiz qanday? - Biz hisob 0:0 yoki 1:0 hisobida yutqazmoqdamiz deb oʻynashimiz kerak. Sababi, bunday harakat qilmasak, juda katta xatoga yoʻl qoʻygan boʻlamiz. - Bellingem, Asensio, Valverde, Vaskes va Mbappening holati haqida? - Umid qilamanki, Bellingem diskvalifikatsiya qilinmaydi. Uning soʻzlarini bosh hakam notoʻgʻri tushungan edi. Albatta, shuni ham ta'kidlashim joiz, Asensio oʻng qanot himoyachisi sifatida ham oʻynashi mumkin. Federiko "Osasuna"ga qarshi oʻyindan keyin biroz dam olishi kerak edi. U soʻnggi mashgʻulotni muammosiz oʻtkazdi. Vaskes toʻliq tiklanmagan boʻlsa ham navbatdagi uchrashuvda zaxira oʻrindigʻida boʻlishi mumkin. Kilian Mbappe ajoyib formadaligi yaxshi hisoblanadi. Shu bilan birga, bizning hujum uchligimiz ham juda yaxshi oʻynamoqda" - dedi 65 yoshli murabbiy.

Ayni kunlarda Tailandda jiu-jitsu boʻyicha Yoshlar oʻrtasida 2-Osiyo chempionati boʻlib oʻtdi. Unda ishtirok etayotgan Oʻzbekiston terma jamoasi ham bir qator medallarga ega chiqdi. - Bagʻbergenov Allayar U-16 toifasi, 48 kg da oltin medal; - Shomurodov Samandar 56 kg da bronza medal; - Ahmadjonov Bahodir 77 kg da bronza medal; - Mirzaboyev Muhammadsamir U-18 toifasi, 52 kg da bronza medal; - Farxatov Alisher U-18 toifasi, 48 kg da bronza medal; - Mirzaboyev Muhammadsamir U-18 toifasi, bronza medal; - Farxatov Alisher U-18 toifasi, bronza medal; - Samadov Shamshodbek U-16 toifasi, bronza medal; - Gʻulomova Kamola Bekpoʻlat qizi U-14 toifasi, nevaza hamda fighting yoʻnalishlari boʻyicha ikkita bronza medali.

Elit OChL 8-turidan oʻrin olgan "Paxtakor" - "Al Sadd" (2:1) bahsidan soʻng Qatar jamoasi bosh murabbiyi Feliks Sanches oʻyindan keyingi matbuot anjumanida ishtirok etdi. - Oʻyin biz kutgandek qiyin boʻldi. Bahs stsenariysi biz kutgandek boʻlmadi. Birinchi boʻlimdayoq vaziyatni oʻnglab oldik. Ikkinchi golni oʻtkazib yuborganimizdan soʻng biz yaxshiroq oʻynashga intildik, ammo qizil kartochka oʻz soʻzini aytdi. Bunday holatlar kamroq sodir boʻlishi kerak va oʻyin natijasiga ta'sir qilishi kerak emas. Soʻnggi daqiqalarda esa charchab qolgandik va tartib yoʻqoldi. Avvalgi uchrashuvlarda etarlicha oʻyin vaqtiga ega boʻlmagan futbolchilarga bugun imkoniyat berdik va ular oʻzini yaxshi taraflama namoyish etishdi. Endi keyingi muhim oʻyinlarga e'tibor qaratishimiz kerak. - Jamoangiz pley-off yoʻllanmasini naqd qilib boʻlgandi. Bugungi uchrashuvdagi jamoa ishtiyoqi qanday edi? - Dastlabki 6ta uchrashuv keyingi bosqichga chiqish uchun etarli boʻldi. Menimcha, biz ancha raqobatdosh jamoa ekanligimizni isbotlay oldik. Biz musobaqaning dastlabki bosqichini top-5da yakunlaymiz, top-8da emas. Mening maqsadim har doim yuqoriroq oʻrinni egallash, ammo katta ehtimol bilan biz toʻrtinchi yoki beshinchi oʻrinni egallaymiz. Biz turli xil kuchli jamoalarga qarshi oʻynadik. Musobaqadagi umumiy ishtirokimizdan qoniqdim. Bugun ham gʻalaba qozonmoqchi edik, ammo natija biz uchun quvonarli boʻlmadi. - Bugun sovuq havo boʻldi. Ushbu jihat jamoangiz oʻyiniga qanday ta'sir qildi? Qatar jamoalari uchun bunday iqlimda futbol oʻynash noqulaydek tuyuldi. - Bunday jihatlar bizga bahona boʻla olmaydi. Biz har bir holatga koʻnikib ketishimiz kerak. Sovuq havo bugungi magʻlubiyatga sabab boʻla olmadi. Bunday darajadagi musobaqada har qanday holat roʻy berishi mumkin. - "Paxtakor" bugun siz kutgandek oʻyin namoyish etdimi yoki raqibda bugun qandaydir kutilmagan yurish boʻldimi? - "Paxtakor" yangi bosh murabbiy bilan ishlashni boshladi va jamoa oʻzgarib borayotgani aniq, lekin katta "syurpriz"lar boʻlmadi. Ular "Al Garafa"ga qarshi oʻyinda ham shunday oʻynashga intilishgan edi. Yangi xorijlik futbolchi Riaskos bugun darvozamizga ikkita gol urib ketdi. Men "Paxtakor"ni qanday oʻrganib chiqqan boʻlsam, ular hech qanday yangilik taqdim etmadi. Manba: championat.asia

Ha, Eldor Shomurodov gollar urish boʻyicha rekordlar oʻrnatmayotgan boʻlishi mumkin, lekin u soʻnggi paytlarda haqiqiy katta futbolchiga aylanib bormoqda! Uning maydondagi harakatlari, jamoadoshlariga yordam berish tarzi, pressing va aniq paslari – bularning barchasi uning futbolga boʻlgan fidoyiligini namoyon etadi. Bu nafaqat muxlislar, balki murabbiylar va futbol ekspertlari tomonidan ham e'tirof etilmoqda. Soʻnggi oʻyinlarda Eldorning hujumdagi harakatlari raqiblar uchun jiddiy tahlikaga aylanmoqda. U oʻyinni yaxshi his etadi, toʻgʻri qarorlar qabul qiladi va oʻzining mehnati bilan jamoasiga foyda keltirishga harakat qiladi. Bu esa uni haqiqiy professionalga aylantirmoqda. Balki u har bir uchrashuvda gol urmayotgandir, lekin muxlislar uchun uning jonkuyarligi, mehnati va iste'dodi eng muhim jihatlardan biridir. Uning oʻyiniga boqib, "bu yigit oʻzbek futboli sharafini yuksaltiryapti!" deyish mumkin. Eldorning bu harakatlari shunchaki dahshat! Oʻylaymizki, u yaqin orada yana yulduzli damlarini yashaydi va biz uning yanada yorqin oʻyinlariga guvoh boʻlamiz!

"Manchester Siti" bosh murabbiyi Pep Gvardiola jamoasining UEFA Chempionlar Ligasi 1/8 finalidan o‘tish imkoniyatlarini baholadi. “Shaharliklar” o‘tish bosqichining dastlabki uchrashuvida o‘z maydonida "Real Madrid"ga 2:3 hisobida mag‘lub bo‘ldi. Javob o‘yini 19-fevral kuni Madridda bo‘lib o‘tadi. “Hamma "Santyago Bernabeu"da g‘alaba qozonishimiz kerakligini tushunib turibdi. Ammo o‘yindan oldin keyingi bosqichga chiqish imkoniyatimiz haqida so‘rasangiz, men bilmayman – bu juda minimal. Faqat 1% deb ayta olaman. Lekin agar imkoniyat bo‘lsa, albatta harakat qilamiz”, – dedi ispaniyalik mutaxassis.

O‘tgan yillarda "Yuventus" jamoasida o‘ynagan taniqli futbolchi Edgar Davids tanishi Nabila Habibining o‘g‘irlik qilgani haqida xabar oldi. Bu haqida Euro-football.ru xabar berdi. Bu haqda ad.nl portali ma’lumot berdi. Nashr ma’lumotlariga ko‘ra, Davids o‘zining rasm kolleksiyasining o‘g‘irlanganini bir necha yil o‘tib bilib qolgan. U kolleksiyani ishonch bildirgan odamga topshirgan edi. Bir muddat Habibi ham uning uyida yashagan. Davids kolleksiyasi xavfsiz joyda saqlanayotganiga ishonar ekan, Habibi 37 ta rasmni o‘g‘irlab, ularni turli lombardlarga garovga qo‘ygan va taxminan 30 ming yevro olgan. 2017 yilda Habibi qarzlarini to‘lay olmagach, lombardlar rasmlarni sotish huquqiga ega bo‘lgan. Sotib olganlardan biri rasmning orqa tomonida Davidsning ismini ko‘rib, ijtimoiy tarmoqlar orqali unga murojaat qilgan. Shundan so‘ng Davids sudga murojaat qilgan. Habibi o‘g‘irlikni tan olgan. Avvalroq u jinoyat ishlari bilan bog‘liq muammolarga duch kelgan va tanishidan 3500 yevro olgan holda qoldirgan edi.

Red Bull Zalsburg jamoasining hujumchisi Karim Konate «Barselona» klubi qiziqish doirasiga kirdi. Bu haqida Euro-football.ru xabar berdi. Kataloniya klubi 37 yoshli Robert Levandovskiga o‘rnini bosuvchi yangi futbolchini izlamoqda. Hozirgi mavsum Levandovski uchun klubdagi so‘nggi mavsum bo‘lishi mumkin. Transfer News Live manbasining Africa Soccer saytiga asoslanib xabar berishicha, 21 yoshli Karim Konate katalonlar e’tiborida turibdi. U o‘tgan yil noyabr oyidan beri tizzasidagi kesilgan bog‘lam sababli maydonga chiqa olmayapti. Transfermarkt portali uning bozor qiymatini 15 million yevroga baholagan. Ivoriyalik hujumchi Red Bull Zalsburgning birinchi jamoasi safida 64 o‘yinda maydonga tushib, 33 ta gol urdi va 11 ta golga uzatma berdi. Bu yosh futbolchining kelajagi katta deb hisoblanmoqda va «Barselona» uni o‘z tarkibiga qo‘shishni ko‘zlamoqda.

Fransuz himoyachisi Benjamen Pavar o‘zining «Marsel» klubiga o‘tishi haqidagi taassurotlarini bildirdi. Bu haqida Euro-football.ru xabar berdi. Uning so‘zlariga ko‘ra, hozirgi vaqtda barcha fikrlari faqat «Marsel»ga qaratilgan. U ushbu nufuzli klubga qo‘shilganidan faxrlanishini va maydonga chiqishni intiqlik bilan kutayotganini ta’kidladi. Pavar 29 yoshda bo‘lib, uning huquqlari Milanning «Inter» klubiga tegishli. U 2025/2026 yilgi mavsum oxirigacha ijaraga berilgan va keyinchalik sotib olish huquqi mavjud. 2024/2025 yilgi mavsumda Pavar Italiya Seriya A ligasida 23 o‘yin o‘tkazdi, ammo gol ura olmadi va bitta golga uzatma berdi. Fransiya terma jamoasi safida u jahon chempioni hisoblanadi. 2018 yilda Rossiyada o‘tgan jahon chempionatida uch rangli terma jamoa bilan birga g‘olib chiqqan. Ushbu musobaqaning chorak finalida Argentina jamoasiga qarshi muhim golni kiritgan. Pavar o‘zining tajribasi va mahorati bilan «Marsel» jamoasiga katta foyda keltirishga tayyor ekanligini namoyish qilmoqda.

Braziliyalik hujumchi Neymar "Santosa" jamoasida o‘ynagan paytlarida, Lionel Messi bilan "PSJ" jamoasida birga bo‘lgan voqeani esladi. Bu haqida Euro-football.ru xabar berdi. Neymarning so‘zlariga ko‘ra, u "PSJ"da bir safar Messidan penalti zarbasini urishni so‘ragan, biroq Messi bunga rozi bo‘lmagan va: "Yo‘q, men buni qilish uchun emasman. Yoki o‘zing ur, yoki Mbappenga ber", deb javob bergan. Messi hech qanday munozara qilmagan va juda osoyishta inson ekanligi ta’kidlangan. Neymar 2017 yildan 2023 yilgacha "PSJ"da o‘ynagan, Messi esa 2021 yildan 2023 yilgacha shu jamoada faoliyat yuritgan. Ular "PSJ"ga kelishdan oldin "Barselona"da ham birga o‘ynashgan va juda yaqin do‘stlar hisoblanadi. Hozirda 38 yoshli Messi Amerika Qo‘shma Shtatlaridagi "Inter Mayami" klubida faoliyat olib bormoqda. Neymar va Messi o‘rtasidagi do‘stlik va jamoaviy hamkorlik sport olamida ko‘plab muxlislar tomonidan yuqori baholanadi.

18 yoshli «Barselona» jamoasining markaziy yarim himoyachisi Mark Bernal yaqinlashib kelayotgan Ispaniya chempionati doirasidagi «Valensiya»ga qarshi o‘yinda jamoa tarkibiga kiritilishi mumkin. Bu haqida Euro-football.ru xabar berdi. Bu haqda Barca Universal manbasi xabar bermoqda. Ma’lumotlarga ko‘ra, futbolchi o‘yinda qatnashish uchun tibbiy ruxsatnomani olishi zarur. U 2024 yilning avgust oyidan buyon tizzasidagi oldingi kesuvchi bog‘lamning yirtilishi sababli maydonga tushmagan. Ispaniya La Liga chempionatining to‘rtinchi turidan o‘rin olgan «Barselona» va «Valensiya» jamoalari o‘rtasidagi uchrashuv 14 sentyabr, yakshanba kuni bo‘lib o‘tadi. Asosiy hakamning boshlang‘ich signalini Moskva vaqti bilan soat 22:00 da eshittirilishi rejalashtirilgan. Ushbu o‘yin muxlislar uchun katta qiziqish uyg‘otmoqda. Mark Bernalning maydonga qaytishi jamoaning hujum va himoya chizig‘ida muhim o‘zgarishlarga sabab bo‘lishi mumkin. Jamoa murabbiylari va tibbiyot xodimlari uning holatini diqqat bilan kuzatmoqda. O‘yin oldidan futbolchilar jismoniy va ruhiy jihatdan tayyorlanmoqda. Ushbu uchrashuv La Liga musobaqasida muhim ahamiyatga ega bo‘lib, jamoalar o‘z pozitsiyalarini mustahkamlashga intilmoqda. Bernalning maydonga qaytishi «Barselona» uchun katta imkoniyatdir.

31 yoshli turk yarim himoyachisi Hakan Chalxanog‘lu, huquqlari Milan shahridagi «Inter» futbol klubiga tegishli bo‘lgan futbolchi, klubini o‘zgartirishi mumkin. Bu haqida Euro-football.ru xabar berdi. Fichajes nashrining ma’lumotlariga ko‘ra, yarim himoyachining o‘z vatanida faoliyat yuritishi uchun imkoniyat mavjud. Istanbulning «Galatasaroy» jamoasi Chalxanog‘lu transferiga qiziqish bildirmoqda. Turkiyaning yirik klubi yozgi transfer oynasida futbolchini o‘z safiga qo‘shishni rejalashtirmoqda. Ushbu kelishuv Istanbul jamoasiga taxminan o‘n million yevroga tushishi mumkin. Hakan Chalxanog‘lu 2021 yil yozidan beri «Inter» jamoasida o‘ynamoqda. O‘tgan mavsumda u «neradzurri» tarkibida 47 ta o‘yinda maydonga tushib, 11 ta gol urdi va sakkizta golga uzatma berdi. Futbolchi o‘zining tajribasi va o‘yindagi samaradorligi bilan jamoaga katta hissa qo‘shmoqda. Uning transferi haqida qo‘shimcha ma’lumotlar yaqin kunlarda e’lon qilinishi kutilmoqda.

Angliya futbol klubi "Lids" yangi bosh murabbiy izlamoqda. Bu haqida Euro-football.ru xabar berdi. Bu haqda Teamtalk jurnalistlari xabar bermoqda. Manba ma’lumotlariga ko‘ra, Premer-liga vakilining qiziqish doirasida ikkita taniqli portugal mutaxassisi bor. Ular — Joze Mourinyo va Nunu Eshpiritu Santu. Hozirda har ikkisi ish bilan ta’minlanmagan. "Maxsus" laqabli Mourinyo Turkiyaning "Fenerbaxche" klubini tark etdi, Santu esa "Vulverxempton" jamoasidan ayrildi. Hozirda "Lids" jamoasining bosh murabbiyi lavozimida Daniyel Farke faoliyat yuritmoqda. Angliya Premer-ligasining uchinchi turidan so‘ng jamoa to‘plagan to‘rt ochko bilan musobaqa jadvalida o‘n ikkinchi o‘rinda bormoqda. Klub rahbariyati yangi murabbiyni topish va jamoani yanada kuchaytirish ustida ishlamoqda. Yangi bosh murabbiy kim bo‘lishi jamoaning kelgusi o‘yinlariga ta’sir ko‘rsatishi kutilmoqda. Klub muxlislari va mutaxassislar bu qarorni diqqat bilan kuzatmoqda.

Vilfrid Mbappe, Madridning “Real” jamoasida to‘p suruvchi Kilian Mbappening otasi, o‘g‘lining o‘yini haqidagi fikrlarini bildirdi. Bu haqida Euro-football.ru xabar berdi. Kilian “PSJ” klubidan “Real”ga o‘tganidan keyingi dastlabki oylarida o‘yinidagi qoniqarsiz natijalar uchun tanqid qilindi. Biroq, qisqa vaqt ichida hujumchining o‘ziga xos natijadorligi tiklandi. Vilfrid Mbappe o‘g‘lining tanqidga qanday munosabat bildirganini yuqori baholadi. U so‘zlaricha, avvaliga hamma narsa yomon ketayotgandek tuyuldi, lekin Kilian mavsumni “Pichichi” sovrini va “Oltin buts” bilan yakunladi. Umuman olganda, otasi uning natijalaridan juda mamnun. Hozirga qadar Kilian “Real” safida barcha musobaqalarda 62 ta o‘yinda maydonga tushib, 47 ta gol urdi. Bu ko‘rsatkich uning jamoaga qanchalik muhimligini ko‘rsatadi. Shuningdek, unga bo‘lgan ishonch va qo‘llab-quvvatlash uning o‘yini rivojlanishiga ijobiy ta’sir ko‘rsatganini ta’kidlash lozim.