Foto: IIB YHXB axborot xizmati
24 apreldan boshlab Toshkent shahrida yangi avtotransport vositasini ro‘yxatdan o‘tkazish uchun my.gov.uz orqali onlayn ariza yuborish imkoniyati sinov tartibida ishga tushirildi. Bu haqda Yagona interaktiv davlat xizmatlari portali (YAIDXP) matbuot xizmati xabar berdi.
Qayd qilinishicha, hozircha bu imkoniyat Toshkent shahridagi «Fayzobod» ro‘yxatdan o‘tkazish va imtihon olish (RO‘ va IO) bo‘limida sinovdan o‘tkazilmoqda. Test muvaffaqiyatli yakunlansa, tizim avval Toshkent shahri bo‘ylab, keyinchalik qolgan hududlarda joriy etilishi rejalashtirilgan.
Talabgor my.gov.uz orqali arizani shakllantirishda xizmatni qaysi ko‘rinishda olishini belgilaydi:
1. Arizachi RO‘ va IO bo‘limiga borgan holda ro‘yxatdan o‘tkazish;
2. Sayyor xizmat — YHXX xodimining o‘zi belgilangan manzilga keladi (qo‘shimcha to‘lov asosida).
Ariza 2 ish kuni ichida ko‘rib chiqiladi. Manzilda xizmat ko‘rsatishda fuqaro shu haqda bildirishnoma oladi (avvalo YHXX xodimi arizachi bilan bog‘lanadi).
Shaxsan borganda to‘lovdan so‘ng «Fayzobod» bo‘limida ariza raqamini ko‘rsatish kerak. YHXX inspektori transport vositasini ko‘zdan kechiradi va davlat raqami belgisi va ro‘yxatga olish guvohnomasini beradi.
Ro‘yxatdan o‘tish narxi:
- ro‘yxatga olish: BHM 6,84 baravari (2,56 mln so‘m), elektromobillar, mototsikllar va tirkamalar uchun — 1,5 BHM (562,5 ming so‘m);
- qayta ro‘yxatdan o‘tkazish — 0,1 BHM (37,5 ming so‘m);
- davlat raqami — 3,5 BHM (1,31 mln. so‘m);
- texnik pasport — 0,7 BHM (262,5 ming so‘m);
- texnik ko‘rikdan o‘tkazish — 0,1 BHM (37,5 ming so‘m).
Benzinli avtomobillarni ro‘yxatdan o‘tkazish - 4,17 million so‘m, elektromobillar va gibridlar — 2,17 million so‘m.
Joyida xizmat ko‘rsatish narxi muddatiga bog‘liq: bir kun ichida yetib kelish — 4 BHM (1,5 million so‘m), uch kun ichida — 3 BHM (1,125 million so‘m), besh kun ichida — 2 BHM (750 ming).
Agar masofa 10 km dan oshsa, har bir km uchun qo‘shimcha 0,05 BHM (18 750 so‘m) to‘lanadi.
[lang=ru,en] [/lang]
O‘xshash yangiliklar
Oʻzbekistonda oʻrtacha maosh 5,35 million soʻmga etdi
Statistika agentligi ma'lumotlariga koʻra, 2024 yil yakunlari boʻyicha Oʻzbekistonda oʻrtacha nominal hisoblangan maosh 5,357 million soʻmni tashkil etdi, bu oʻtgan yilga nisbatan 17,4%
«Real» yulduziga Angliyaning ikki grandidan jiddiy qiziqish: Rodrigo Goes transferining tafsilotlari
Ispaniyaning «Real Madrid» klubi hujum chizig‘idagi yorqin iste’dodlaridan biri – braziliyalik futbolchi Rodrigo Goesni sotish bo‘yicha qaror qabul qildi. Madridliklar futbolchi transferi uchun
Prezidentning yangi farmoni qabul qilindi
«Iqtidorli mutaxassislarning xorijda ta’lim olishini qo‘llab-quvvatlash, ularda kasbiy ko‘nikmalarini rivojlantirish va rag‘batlantirishga oid qo‘shimcha chora tadbirlar to‘g‘risida»gi prezident
Abduqodir Husanovning transfer narxi 35 million yevroga yetdi
Germaniyaning Transfermarkt portali Angliya Premer-ligasi futbolchilarining transfer baholarini yangiladi. Unga ko‘ra, O‘zbekiston milliy jamoasi hamda «Manchester Siti» klubi himoyachisi Abduqodir
Shavkat Mirziyoyev xotin-qizlarni 8 mart bilan tabrikladi
O‘zbekiston prezidenti Shavkat Mirziyoyev 8 mart – Xalqaro xotin-qizlar kuni munosabati bilan o‘tkazilgan tantanali marosimda so‘zlagan nutqida mamlakat xotin-qizlarini tabrikladi. Davlat rahbari
