Foto: Leon Neal
Oksford qirollik sudi 2019 yilda tilladan yasalgan unitazni o‘g‘irlagan ikki gumonlanuvchi ishini ko‘rib chiqdi. Sud Maykl Jonsni o‘g‘irlik va buzib kirishda, Fred Dou esa o‘g‘irlangan buyumni tashish maqsadida til biriktirishda aybdor deb topdi.
Oldinroq sud jinoyatning yana bir ishtirokchisi Jeyms Shinni o‘g‘irlik va buzib kirish hamda o‘g‘irlangan buyumni tashish maqsadida til biriktirishda aybdor deb topgan edi. Gumonlanuvchilardan yana biri oqlangan. Maykl Jons va Fred Douga nisbatan hukm keyinroq chiqariladi.
Tilla unitaz — italiyalik ijodkor Mauritsio Kattelan tomonidan Nyu-Yorkdagi Solomon Guggenhaym muzeyi uchun yasalgan zamonaviy san’at obyekti hisoblanadi. Muallif o‘z asarini «Amerika» deb nomlagan. Unitaz o‘g‘irlab ketilishidan oldin 6 million dollarga sug‘urtalangan edi, uni tayyorlashda esa taxminan 4 million dollarlik oltindan foydalanilgan.
2019 yilda ushbu obyekt Blenxeym saroyidagi ko‘rgazmaning bir qismiga aylangandi. Mazkur saroy Malboro gersoglari qarorgohi bo‘lib, u yerda Uinston Cherchill tug‘ilgan. Ko‘rgazmaga tashrif buyurganlar undan o‘z maqsadida foydalanishi mumkin edi. Kattelanning so‘zlariga ko‘ra, u o‘z asari orqali tengsizlik va san’at bozoridagi muammolarga e’tibor qaratmoqchi bo‘lgan.
O‘sha yilning sentyabr oyida jinoyatchilar yuk mashinasida saroyning yog‘och darvozasini buzib, bino ichiga kirishga muvaffaq bo‘lgan. So‘ng ular og‘irligi 100 kilogrammga yetadigan unitazni olib ketgan. Tergov ma’lumotlariga ko‘ra, ular unitazni mayda bo‘laklarga bo‘lib, sotib yuborgan.
O‘xshash yangiliklar
Oʻzbekistonda qaysi avtomobillar eng koʻp ishlab chiqarilmoqda?
Statistika agentligi Oʻzbekistonda qaysi avtomobillar eng koʻp ishlab chiqarilayotganini ma'lum qildi. E'lon qilingan tahlilga koʻra, Oʻzbekistonda yanvar oyida yengil avtomobillar ishlab
Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati
Rossiya Ukraina janubini nega bu qadar tez ishg‘ol qilgandi?
2022 yil 24 fevral kuni ertalab soat 4 larda Rossiya armiyasi Ukraina hududiga hujum boshlagandi. Yurish bir vaqtning o‘zida bir necha yo‘nalishda: janub, sharq va shimoldan olib boriladi. Biroq,
«Manchester Yunayted» yoki «Tottenhem»: Yevropa Ligasi kubogi kimga ko‘proq kerak?
Bugun, 21 may kuni Bilbaoda Yevropa Ligasi finali bo‘lib o‘tadi. Angliyaning ikki jamoasi – «Manchester Yunayted» va «Tottenhem» nufuz jihatidan ikkinchi o‘rinda turadigan yevrokubok uchun o‘zaro
“Manchester Siti” klubi Abduqodir Husanov haqida hali hech qayerda chop etilmagan maqola e’lon qildi
“Manchester Siti” klubi o‘z ijtimoiy sahifasida, jamoa muxlislarining qalbini tezda zabt etgan yosh futbolchi Abduqodir Husanov haqida ilgari hech qayerda chop etilmagan ma’lumotlar, oilaviy
