Shveytsariyalik tadqiqotchilar omega-3 ni har kuni iste'mol qilish tanadagi tabiiy qarish jarayonini sekinlashtirishini isbotladi. Ilmiy tadqiqotda 70 va undan katta yoshdagi 777 nafar inson ishtirok etdi. Olimlar tomonidan berilgan natijalar Nature Aging jurnalida chop etildi.
Foto: Shutterstock
Uch yil davomida har kuni bir gramm omega-3 iste'mol qilgan sogʻlom keksalarning biologik yoshi boshqa ishtirokchilarga qaraganda uch oyga yoshroq boʻlishi aniqlandi. Bundan tashqari, ratsionga D vitaminini qoʻshish va jismoniy mashqlar (haftada uch marta 30 daqiqadan) ushbu natijani toʻrt oyga oshirdi.
Olimlar omega-3 ning qarish tezligiga ta'sirini baholash uchun epigenetik soatlar deb nomlanuvchi biologik vositalardan foydalandi.
Epigenetik soat bu toʻqimalar, hujayralar va organlarning biologik yoshini aniqlashga imkon beruvchi maxsus DNK belgilari toʻplamidir.
“Fikrimcha, 70 yosh bu ikkinchi bor 50 yoshga toʻlishga oʻxshaydi. Albatta, bu usul qarishning davo boʻl olmaydi, ammo tadqiqot natijalari ushbu usulning qanchalik samarali ekanligini tasdiqlaydi. Omega-3 va D vitaminining kichik dozalarini muntazam ravishda qabul qilish va jismonan faollik haqiqatda inson umrini uzaytiradi”, deydi Altos Labs biotexnologiya kompaniyasi tadqiqotchisi Stiv Horvat.
Bundan avvalgi tadqiqotlarda ham yogʻli baliq, yongʻoqlar, urugʻlar kabi oziq-ovqatlarda mavjud boʻlgan omega-3 qarish jarayonini sekinlashtirishi aniqlangan edi. Biroq yaqin vaqtgacha uni qoʻshimcha vitamin shaklida qabul qilish orqali ham ijobiy natijalarga erishish mumkinligi noma'lum edi.
Shuningdek, olimlar omega-3 yogʻ kislotalarining boshqa foydali xususiyatlarini ham qayd etdi. Xususan, ushbu modda keksa odamlarda toʻsatdan yiqilish holatlarini 10% ga kamaytiradi, infektsiyalarga chalinish xavfini esa 13% ga tushiradi. Bundan tashqari, omega-3, D vitamini va muntazam jismoniy mashqlar invaziv saraton kasalliklarini 61 foizga kamaytirdi.
O‘xshash yangiliklar
Toshkentda ko‘cha futboli bo‘yicha Red Bull Four 2 Score turniri yakunlandi: chempionlar Avstriyaga yo‘l oladi!
Joriy yilning 27 aprel sanasida Toshkent shahrida ko‘cha futboli bo‘yicha o‘ziga xos va qiziqarli formatda o‘tkazilgan Red Bull Four 2 Score xalqaro turnirining milliy bosqichi bo‘lib o‘tdi.
“Like” uchun hayotni xavf ostiga qo‘yyapmizmi? Bolalarni internet tahdidlaridan qanday himoyalash kerak?
Internet bolalar hayotining ajralmas qismiga aylandi. Texnologiyalar ularga bilim, ijod, erkin fikr berish bilan birga, juda xavfli tuzoqlarni ham taqdim etmoqda. Ayniqsa, o‘smirlar yolg‘on
Negativ kontent ruhiy salomatlikka zarar yetkazishi aniqlandi
Massachusets texnologiya instituti olimlari salbiy ruhdagi matn, foto va videolar inson ruhiy salomatligiga ta’sirini o‘rganish bo‘yicha tadqiqot o‘tkazishdi. Tadqiqot natijalari shuni ko‘rsatdiki,
Gollivudning “Gremmi” mukofotiga loyiq koʻrilgan aktyor va aktrisalari
3 fevral kuni “Gremmi” mukofotining 67-marosimi boʻlib oʻtdi. An'anaga koʻra, bu mukofot musiqa sohasidagi yutuqlar uchun topshiriladi. Biroq mukofot allaqachon oʻz doirasini kengaytirib,
O‘zbekiston xalqaro reytingda 108-o‘rinni egalladi – hayot sifati “yuqori” deya baholandi
Dunyo miqyosida mamlakatlar rivojlanishi va hayot sifati darajasini baholovchi CEOWORLD jurnali 2025 yil uchun Human Progress Index (HPI) – Inson taraqqiyoti indeksi reytingi natijalarini e’lon
