Markaziy bank 1 may sanasidan boshlab amal qiladigan xorijiy valyutalarning o‘zbek so‘miga nisbatan rasmiy kurslarini ma’lum qildi.
Yangi ma’lumotlarga ko‘ra, AQSH dollari ketma-ket uchinchi kun arzonlashda davom etmoqda. Bu safar dollar kursi 13 so‘mga pasayib, 12 920,16 so‘m miqdorida belgilandi.
Yevropa valyutasi ham so‘nggi kunlarda kuzatilayotgan pastlash trendini saqlab qoldi va 38,05 so‘mga arzonladi. Natijada, yevroning yangi rasmiy kursi 14 681,18 so‘mni tashkil qildi.
Shu bilan birga, Rossiya rubli kursining yuqoriga qarab harakati kuzatildi. Rubl 0,33 so‘mga qimmatlashib, 158,61 so‘m darajasiga ko‘tarildi.
Eslatib o‘tamiz, avvalroq Markaziy bank tomonidan dollar kursi ketma-ket ikki kun pasaytirilib, 12 933,16 so‘m qilib belgilangan edi.
Mutaxassislarning fikriga ko‘ra, bu kabi kichik tebranishlar valyuta bozorida barqarorlik va muvozanat holatidan dalolatdir.
