Markaziy bank 28 aprel kuni xorijiy valyutalarning so‘mga nisbatan yangi rasmiy kurslarini ma’lum qildi.
E’lon qilingan ma’lumotlarga ko‘ra:
- AQSH dollari 29,97 so‘mga oshib, 12 957,14 so‘mga yetdi;
- Yevro esa aksincha, 15,11 so‘mga arzonlashib, 14 702,47 so‘mni tashkil qildi;
- Rossiya rubli kursi 0,83 so‘mga ko‘tarilib, 156,56 so‘m bo‘ldi.
Qayd etish kerakki, bundan avvalgi ikki kun davomida ham AQSH dollari kursi o‘sish tendensiyasida bo‘lib, 12 927,17 so‘mga chiqqan edi. Shu vaqt ichida yevro va rubl kurslarida pasayish kuzatilgan.
Jahon bozoriga nazar tashlaydigan bo‘lsak, 2025 yil aprel oyida AQSH dollarining xalqaro valyuta bozoridagi indeksi oxirgi uch yildagi eng past ko‘rsatkichiga tushib ketgani qayd etilmoqda. Bu holat global iqtisodiy vaziyatdagi o‘zgarishlarning muhim indikatori hisoblanadi.
