O‘zbekistonda 23 maydan 30 maygacha bo‘lgan bir hafta ichida tarvuz narxlari deyarli 3 baravarga arzonlashdi, deb Kursiv.media xabar berdi.
East Fruit portaliga ko‘ra, ulgurji bozorda tarvuzning o‘rtacha narxi 7000 so‘mdan 2500 so‘mgacha tushgan. Bu so‘nggi besh yil ichidagi eng tez va keskin pasayish hisoblanadi.
Mutaxassislar bunga sabab sifatida erta hosilni ko‘rsatmoqda. Joriy yili katta miqdordagi ilk tarvuzlar o‘tgan yilga nisbatan bir hafta oldin savdoga chiqarilgan.
East Fruit fikricha, ichki bozordagi past narxlar eksport hajmining oshishiga olib keladi.
Eslatib o‘tamiz, o‘tgan yili O‘zbekiston 98,5 ming tonna tarvuz eksport qilgan edi.
👍 0❤️ 0😂 0😢 0😡 0
