2025-yilning yanvar–aprel oylarida O‘zbekistonga 6,8 ming nafar Yaponiya fuqarosi kelgan, deb Kursiv.uz Milliy statistika qo‘mitasi ma’lumotlariga tayanib xabar berdi. Bu ko‘rsatkich o‘tgan yilning shu davriga nisbatan 53,4% ga ko‘p.
Yaponlar asosan turistik maqsadda tashrif buyurgan — 5,9 ming kishi.
589 nafar yapon fuqarosi O‘zbekistondagi qarindoshlarini ko‘rish uchun kelgan bo‘lsa, 221 nafarining tashrifi xizmat safari bilan bog‘liq bo‘lgan.
Bundan tashqari, Fransiyadan kelayotgan sayyohlar oqimi ham ortgani qayd etildi — yanvar–aprel oylarida deyarli 6,8 ming nafar fransuz O‘zbekistonga tashrif buyurgan.
