AS nashrining xabariga ko‘ra, «Barselona» yarim himoyachisi Frenki de Yong shartnoma muddatini uzaytirish bo‘yicha murakkab muzokaralar fonida o‘z agenti Ali Dursunni ishdan bo‘shatdi. Bu haqida Euro-football.ru xabar berdi.
Hozirda «Barselona» uchun noan’anaviy vaziyat yuzaga kelgan, chunki de Yongning rasmiy vakili yo‘q. Nashr ma’lumotlariga ko‘ra, Gollandiya futbolchisining yuridik masalalarda yordam beradigan shaxsiy advokati mavjud, biroq u FIFA litsenziyasiga ega emas va transfer hamda shartnoma muzokaralarida qatnasha olmaydi.
Shu sababli, «Barselona» yangi agent tayinlanishini kutishi kerak bo‘ladi. 28 yoshli futbolchi 2019 yildan beri kataloniyaliklar safida o‘ynab kelmoqda.
O‘tgan mavsumda u barcha turnirlarda jami 46 ta o‘yinda maydonga tushib, ikki gol urdi va ikki golga uzatma berdi.
