Arsenal va Sporting Dyoekeresh transferida kelisha olmadi
Arsenal va Sporting klublari hujumchi Viktor Dyoekeresh transferi bo‘yicha muzokaralarni davom ettirmoqda, ammo hozircha kelishuvga erishilmagan. Bu haqida Euro-football.ru xabar berdi.
London klubi futbolchi uchun 63,5 million yevro miqdorida asosiy summa va qo‘shimcha 10 million yevro bonus taklif qilgan. Biroq, Sporting klubi to‘lovlar shartlarini o‘ziga moslashni talab qilmoqda.
Daily Record nashrining xabar berishicha, Sporting bonus to‘lovlarini aniq natijalarga bog‘lamoqchi. Masalan, shved hujumchi Arsenal safida 20-, 40- va 60-o‘yinlarni o‘tkazgach, har bir bosqich uchun 2,5 million yevro olishni ko‘zda tutadi.
Shuningdek, agar jamoa Chempionlar ligasiga yo‘l olgan taqdirda yana 2,5 million yevro bonus berilishi rejalashtirilgan. Bundan tashqari, Sporting asosiy 63,5 million yevrolik to‘lovni to‘rt qismga bo‘lib berishga rozilik bildirmayapti.
Agar to‘lovlarni bo‘lib-bo‘lib qilish taklifi qabul qilinsa, klub qo‘shimcha 1,2 million yevro talab qilmoqda. 27 yoshli Viktor Dyoekeresh bu yoz Arsenal uchun asosiy transfer maqsadlaridan biri bo‘lib qolmoqda, biroq kelishuv shartlari bo‘yicha farqlar hal qilinmagan muammo sifatida qolmoqda.
