2025/26 yilgi mavsum uchun Sankt-Peterburgning "Zenit" futbol klubi byudjeti ma’lum bo‘ldi. Bu haqida Euro-football.ru xabar berdi.
Ushbu mavsum klub uchun yubiley mavsumi hisoblanadi. "RBK Sport" nashri ishonchli manbalarga tayanib xabar berishicha, Neva sohilidagi jamoaning byudjeti 20 milliard rublni tashkil etadi.
Klub matbuot xizmati ma’lumotlariga ko‘ra, ushbu moliyaviy rejaga "Gazprom Arena" stadionining infratuzilmasi, sport bazasi va akademiyasi xarajatlari kiritilgan. Shuningdek, asosiy homiy "Gazprom" kompaniyasi byudjetga 5 milliardgacha mablag‘ ajratishi mumkinligi qayd etilgan.
O‘tgan mavsumda "Zenit" Rossiya Premer-ligasida ikkinchi o‘rinni egallab, oldingi olti mavsumdagi ketma-ket chempionlik seriyasini to‘xtatgan edi. Bu yilgi mavsum klub uchun yangi imkoniyatlar va muvaffaqiyatlarga boy bo‘lishi kutilmoqda.
👍 0❤️ 0😂 0😢 0😡 0
