Yuventus Jedon Sancho bilan muzokaralarni to‘xtatdi
«Yuventus» klubi «Manchester Yunayted» jamoasining qanot himoyachisi Jedon Sancho bilan shartnoma imzolashdan voz kechishi mumkin. Bu haqida Euro-football.ru xabar berdi.
Bir necha hafta oldin ingliz futbolchisining Turin klubiga o‘tishi deyarli hal bo‘lgandek ko‘rinayotgan edi, ammo vaziyat keskin o‘zgardi. Jurnalist Marko Konterioning ma’lumotlariga ko‘ra, «Qadimiy sinyora» Sancho bo‘yicha muzokaralarni to‘xtatishga qaror qildi.
«Yuventus»da futbolchining talablar darajasiga mos kelishiga ishonch yo‘q. Shuningdek, Fransishku Konseysoni «Portu»dan sotib olish ham 25 yoshli futbolchining Turin jamoasiga o‘tish ehtimolini kamaytirdi.
Jedon Sancho bilan «Manchester Yunayted» o‘rtasidagi amaldagi shartnoma yana bir yilga mo‘ljallangan bo‘lib, bu futbolchining narxining nisbatan past — taxminan 15 million yevro bo‘lishini tushuntiradi. Shunday qilib, klub rahbariyati hozircha ushbu transfer bo‘yicha yakuniy qaror qabul qilmagan.
