Konate bilan Liverpul yangi shartnoma shartlari ma’lum bo‘ldi
«Liverpul» markaziy himoyachi Ibrohim Konatening shartnomasini uzaytirish bo‘yicha muzokaralar olib bormoqda. Bu haqida Euro-football.ru xabar berdi.
26 yoshli futbolchiga «qizillar» jamoasi yangi taklif bilan chiqqanligi haqida chorshanba kuni ma’lumotlar tarqaldi. Jurnalist Sasha Tavolyerining xabariga ko‘ra, Liverpul fransiyalik futbolchiga 2029 yil o‘rtalarigacha mo‘ljallangan yangi shartnoma taklif qilgan.
Agar Konate taklifni qabul qilsa, uning maoshi sezilarli darajada oshiriladi. Hozirgi vaqtda Ibrohim Konatening Liverpul bilan amaldagi shartnomasi 2026 yil yozida yakunlanadi.
Shu bilan birga, Madridning «Real» jamoasi markaziy himoyachini joriy mavsumdan keyin erkin agent sifatida o‘z safiga qo‘shib olishni rejalashtirmoqda. Bu holat Konatening kelajakdagi faoliyati borasida muhim qaror qabul qilinishini talab qiladi.
Liverpul rahbariyati futbolchini saqlab qolish uchun harakat qilmoqda va yangi shartnoma orqali uning jamoada qolishini ta’minlashga intilmoqda.
