Rossiya sport vazirligi Rossiya premer-ligasidagi legionerlar soniga qo‘yiladigan cheklovni qat’iylashtirishni rejalashtirmoqda. Bu haqida Euro-football.ru xabar berdi.
Telegramdagi “Insaydlar Karptan” kanali ma’lumotiga ko‘ra, vazirlik “10+5” formulasi tarafdori hisoblanadi. Bu formulaga ko‘ra, mavsumga arizaga kiritiladigan legionerlar soni maksimal 10 nafardan oshmasligi, maydonda esa bir vaqtning o‘zida bitta jamoada maksimal 5 legioner bo‘lishi kerak.
Shuningdek, o‘rta variant sifatida “10+6” limiti ham ko‘rib chiqilmoqda. “10+7” limiti esa kam ehtimol bilan amalga oshiriladi.
Manbaning ta’kidlashicha, bu o‘zgarishlar 2025 yil oxirigacha qabul qilinishi mumkin. Yangi cheklovlar esa keyingi mavsumdan kuchga kirishi ehtimoldan xoli emas.
Hozirgi kunda Rossiya premer-ligasida legionerlar uchun “13+8” formulasi amal qilmoqda. Bu raqamlar jamoalarning tarkibida legionerlarning soni va ulardan foydalanish tartibini belgilaydi.
Yangi qoidalar futbolchilarning maydondagi ishtirokini yanada tartibga solishga qaratilgan. Bu esa jamoalar va liganing sifatini oshirishga xizmat qiladi.
