Manchester Siti jamoasi Angliyaning Nyukasl klubida o‘ynaydigan o‘ng qanot himoyachisi Tino Livramento transferi ustida faol ish olib bormoqda. Bu haqida Euro-football.ru xabar berdi.
TBR Football manbasining xabar berishicha, "shaharliklar" 22 yoshli futbolchini sotib olish uchun muhim qadam tashlagan va uning uchun 57 million yevodan ortiq summa to‘lashga tayyor. Bu qiziqish yangi mavsum oldidan himoya chizig‘ini kuchaytirish zaruriyati bilan bog‘liq.
Transfermarkt portali ma’lumotlariga ko‘ra, Livramento bozor qiymati 40 million yevoni tashkil etadi. 2024/25 yilgi mavsumda u barcha musobaqalarda jami 45 o‘yin o‘tkazib, bitta samarali uzatma amalga oshirgan va uchta sariq kartochka olgan.
Manchester Siti jamoasi ushbu futbolchini o‘z tarkibiga qo‘shib, himoya chizig‘ini yanada mustahkamlashni maqsad qilgan. Livramento yosh futbolchi sifatida kelajakda jamoaga katta foyda keltirishiga ishoniladi.
Transfer jarayoni yaqin kunlarda yakunlanishi kutilmoqda.
👍 0❤️ 0😂 0😢 0😡 0
