Kolyvanov: CSKAga yangi markaziy hujumchi kerak

Taniqli murabbiy Igor Kolyvanov Moskvaning CSKA jamoasi haqida o‘z fikrini bildirdi. Bu haqida Euro-football.ru xabar berdi.

Uning ta’kidlashicha, jamoaning yangi o‘yin uslubiga moslashishi uchun markaziy hujumchi kerak. Kolyvanovning so‘zlariga ko‘ra, hozirda CSKA ko‘proq raqib maydonida hujumkor o‘yin ko‘rsatishga harakat qilmoqda.

Bunday o‘yin uslubiga o‘rganish talab etiladi. Jamoada bu uslubga mos futbolchilar bor, lekin mutaxassis fikricha, markazda faoliyat yuritadigan yangi hujumchi jamoaga foydali bo‘lishi mumkin.

Eslatib o‘tamiz, iyun oyida CSKA jamoasiga bosh murabbiy etib Fabio Chelestini tayinlandi. Bu o‘zgarish Marko Nikolich kutilmagan tarzda klubdan ketganidan so‘ng amalga oshdi.

Jamoa Rossiya Premyer-ligasining dastlabki ikki turida «Orenburg» bilan durang o‘ynadi va «Axmat» ustidan g‘alaba qozondi. CSKA jamoasi navbatdagi uchrashuvini 30-iyul, chorshanba kuni Rossiya Kubogi doirasida «Lokomotiv»ga qarshi o‘tkazadi.

Bu bahs jamoaning yangi murabbiy qo‘l ostidagi navbatdagi muhim sinovi bo‘ladi.