Solari: Spartak mavsum startini barqaror boshlamadi
"Spartak" jamoasining hujumchisi Pablo Solari jamoaning yangi mavsumdagi dastlabki o‘yinlari haqida o‘z fikrini bildirdi. Bu haqida Euro-football.ru xabar berdi.
Iyul oyida "qizil-oq"lar uchta o‘yin o‘tkazishdi. Dastlab ular Maxachqal’a "Dinamo"sini 1:0 hisobida mag‘lub etishdi.
Keyingi turda "Spartak" "Baltika"ga 0:3 hisobida yutqazdi. Shundan so‘ng, Rossiya Kubogi doirasida "Rostov" ustidan 2:0 hisobida g‘alaba qozondi.
Pablo Solarining aytishicha, ikkinchi tur ular uchun muvaffaqiyatsiz o‘tdi va mavsum boshlanishi biroz noaniq bo‘ldi. Shunga qaramay, oldinda hali ko‘plab o‘yinlar bor.
Bugungi g‘alaba jamoaga ishonch bag‘ishlashi va keyingi bahslarda ochko to‘plashga yordam berishi kerakligini ta’kidladi Solari. Eslatib o‘tamiz, Pablo Solari "Rostov"ga qarshi o‘yinda gol muallifi bo‘ldi.
Bu uchrashuv chorshanba kuni kechqurun bo‘lib o‘tdi. "Spartak" jamoasi navbatdagi uchrashuvini yakshanba, 3-avgust kuni safarda "Akron"ga qarshi o‘tkazadi.
