“Bavariya” prezidenti Nagelsmann ishini yuqori baholadi
“Bavariya” futbol klubi prezidenti Gerbert Xayner Yulian Nagelsmann haqida savollarga javob berdi. Bu haqida Euro-football.ru xabar berdi.
Unga ko‘ra, Nagelsmann 2023 yil bahorida Myunxen klubini tark etgan. Oradan olti oy o‘tib, u Germaniya milliy terma jamoasi bosh murabbiyi lavozimini egallagan.
Gerbert Xaynerning ta’kidlashicha, Yulian Nagelsmann terma jamoaga yangi ruh va ishtiyoq olib keldi. U 2026 yilgi jahon chempionatida Germaniya terma jamoasi uchun kurash oson bo‘lmasligini aytdi.
Biroq Germaniyaning har doim yuqori natijalarga erisha olish imkoniyati borligini qayd etdi. “Bavariya” futbolchilari ko‘pincha milliy jamoa asosini tashkil qiladi.
Bu esa klub uchun yaxshi an’ana hisoblanadi. Xaynerning so‘zlariga ko‘ra, “Bavariya” uchun asosiy maqsad klub muvaffaqiyati bo‘lsa-da, ular doim terma jamoaning yutuqlaridan xursand bo‘lishadi.
Ma’lumot uchun, Germaniya terma jamoasi o‘z maydonida o‘tgan Yevro-2024 musobaqasida chorak final bosqichigacha yetib bordi. Ushbu bosqichda nemis futbolchilari kelajakdagi chempion – Ispaniya jamoasiga imkoniyatni boy berdi.
