Bugun
Boks 2028 yilgi Olimpiada dasturiga qaytishi mumkinmi?
+25°
ясно ветер 3.1 м/с, С

Shomurodov mag‘lubiyatga sababchi bo‘lgan Xummels haqida nimalar dedi?

Sport 08:34, 14-03-2025 11
Shomurodov mag‘lubiyatga sababchi bo‘lgan Xummels haqida nimalar dedi?
“Roma” Yevropa ligasi nimchorak final javob uchrashuvida Bilbaoning “Atletik” klubi mehmoni bo‘lib, 2025 yilda ilk mag‘lubiyatini qabul qilib oldi.

Aslida rimliklar birinchi uchrashuvda Eldor Shomurodovning goli evaziga 2:1 hisobida g‘olib chiqqani bois, musobaqani davom ettirish imkoniyati bor edi.

Lekin Ispaniyadagi o‘yin Klaudio Raneri shogirdlari uchun o‘ta omadsiz boshlandi. Tajribali himoyachi Mats Xummels 11-daqiqadayoq maydondan haydalib ketdi. Nemis futbolchisi avvaliga to‘pni raqibga berib qo‘ydi va xatosini to‘g‘rilash maqsadida unga tashlandi. Oqibat – qo‘pol fol, so‘nggi umid chorasi va qizil kartochka.

“Atletik” bir kishi kam bo‘lib o‘ynagan rimliklarni 3:1 hisobida taslim qildi. Eldor Shomurodov 61-daqiqada maydonga tushdi. O‘yindan keyin legionerimiz o‘z fikr-mulohazalari bilan o‘rtoqlashdi.

- 80 daqiqa o‘n kishi bo‘lib o‘ynash juda qiyin. “Atletik” kuchli jamoa. Biz borimizni berdik, bor kuchimiz bilan harakat qildik. Natija uchun afsusdamiz. Muxlislar shu yergacha keldi.

Bu futbol va unda hamma xato qiladi. Biz Xummels uchun ham oxirigacha kurashdik, biroq birinchi bo‘limning so‘nggi daqiqasida gol o‘tkazib yubordik. Bu psixologik jihatdan og‘ir zarba bo‘ldi.

Biz shunda ham oxirigacha kurashdik, afsuski, o‘xshamadi. Endi bor e’tiborni chempionat o‘yinlariga qaratishimizga to‘g‘ri keladi.

- 10 kishi bo‘lib ham ko‘proq narsani uddalash mumkinmidi?
- Ha, albatta. Hatto 0:1 hisobida yutqazib turganimizda ham gol urish imkoniyatimiz bor edi. Biroq maydonda o‘n kishi bo‘lib qolganingda bu juda qiyin bo‘ladi.

- Xummels uzr so‘radimi?
- Ha so‘radi. Bu futbol, hammamiz ham xato qilamiz. Biz u bilan birdammiz.

- Bunaqa mag‘lubiyatdan keyin hammasini qaytadan boshlash qanaqa bo‘larkin?
- Ikki kundan keyin “Kalyari”ga qarshi navbatdagi o‘yinimiz bor. Biz Yevropa kuboklariga yo‘llanma olishga urinishimiz kerak. Kichkina bo‘lsa ham, bunga imkoniyatimiz bor, qo‘ldan kelganicha harakat qilishim talab etiladi.

Biz bir oiladekmiz. Biz hozirgacha nima qilgan bo‘lsak, shu ishlarni davom ettirishim va oxirigacha kurashishimiz lozim. Hali chempionatda ko‘p o‘yinlar bor. Natija qanday bo‘lishini oxirida ko‘ramiz.

Eldor Shomurodov joriy mavsum A Seriya, Italiya kubogi va Yevropa ligasida jami 27 ta uchrashuvda ishtirok etib, beshta gol va uchta assist muallifi bo‘ldi. Bu samarali natijalardan ikkita gol va bitta assist aynan Yevropa ligasiga to‘g‘ri keldi.

O‘xshash yangiliklar

Mixaylo Podolyak: «Aslida, normal va qulay muzokara jarayoni ketmoqda»
Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati
Dunyo 12:33, 28-02-2025
“Roma”ni qutqara olmagan Shomurodov va boshqalarning o‘yini qanday baholandi?
“Roma”ni qutqara olmagan Shomurodov va boshqalarning o‘yini qanday baholandi?
Klaudio Raneri boshqaruviga o‘tganidan keyin o‘yini kuchaygan “Roma”ning Yevropa ligasidagi yurishi nimchorak finalda to‘xtadi. Bu bosqichda Bilbaoning “Atletik” klubiga to‘qnash kelgan rimliklar
Sport 08:48, 14-03-2025
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Foto: Getty images MANChESTER SITI – NYuKASL (15 fevral, 20:00) Kecha «Chelsi» Braytonda yutqazgach, kuchli toʻrtlik uchun da'vogarlarda yangi imkoniyat paydo boʻldi, deyish mumkin. Ayni paytda
Sport 20:10, 15-02-2025
Shavkat Mirziyoyev xotin-qizlarni 8 mart bilan tabrikladi
Shavkat Mirziyoyev xotin-qizlarni 8 mart bilan tabrikladi
O‘zbekiston prezidenti Shavkat Mirziyoyev 8 mart – Xalqaro xotin-qizlar kuni munosabati bilan o‘tkazilgan tantanali marosimda so‘zlagan nutqida mamlakat xotin-qizlarini tabrikladi. Davlat rahbari
Jamiyat 17:56, 7-03-2025
Ukraina Amerika qurollarisiz omon qoladimi?
Ukraina Amerika qurollarisiz omon qoladimi?
Foto: Getty Images AQSHning keng ko‘lamli urushning uch yili davomida Ukrainaga ko‘rsatib kelingan harbiy yordami to‘xtatilishi mumkin. Har holda, Amerika prezidenti Donald Tramp bu variantni
Dunyo 21:55, 2-03-2025