CSKA jamoasi faxriysi Vladimir Ponomaryov Rossiya Kubogi doirasida Lokomotiv ustidan qozonilgan g‘alaba haqida o‘z fikrlari bilan o‘rtoqlashdi. Bu haqida Euro-football.ru xabar berdi.
U intervyusida CSKA o‘yini haqida ijobiy taassurot bildirar ekan, jamoa barcha chiziqlarda ishonchli harakat qilganini qayd etdi. Uning so‘zlariga ko‘ra, jamoada intizom yuqori bo‘lgan va ortiqcha harakatlar kuzatilmagan.
Himoya chizig‘i avvalgi o‘yinlarga nisbatan yaxshiroq o‘ynagan, yarim himoyachilar esa faol va harakatchan bo‘lishgan. Ayniqsa, Oblyakovning o‘yini yuqori baholandi.
Hujumchilar ham yaxshi harakat qilgan va raqibni charchatishga muvaffaq bo‘lgan. Murabbiylar tomonidan to‘g‘ri taktika tanlangani ham alohida ta’kidlandi.
Lokomotiv tomonidan kiritilgan gol penalti orqali amalga oshirilgani, bunda himoyachi Abdulqodirov to‘p uchun kurashda raqibni ko‘rmay qolganini, bu holatda uni ayblash noto‘g‘ri ekani aytildi. Penalti berilishi ham shubhali bo‘lgan, chunki har ikki futbolchi tomonidan qoidabuzarlik sodir etilgan.
Jamoani tark etgan futbolchilar haqida ham fikr bildirildi. Ponomaryovning aytishicha, Fayzullayev va Pyanichning ketishi jamoa uchun yo‘qotish emas.
Ammo Ro'sha jamoaga moslashib ulgurgan edi va uning ketishi biroz ta’sir qilishi mumkin. Endilikda bu o‘ringa Abdulqodirov yoki tajriba orttirayotgan Lukin nomzod bo‘lishi mumkin.
Jamoaga yangi kelgan Verde haqida ham fikr bildirildi. Verde hali yosh bo‘lsa-da, agar u hujumda yordam bera olsa, jamoaga foyda keltirishi mumkin.
Undan yaxshi natijalar kutilmoqda. Lokomotiv jamoasining chempionatda ochko yo‘qotmayotgani haqida so‘z yuritilar ekan, hozirgi natijani tasodif deb baholadi.
Ularning himoyasi kuchli emasligi, CSKA esa kuchli bosim qilmagan bo‘lsa-da, ikki gol urishga erishgani ta’kidlandi. Lokomotiv natijalari yaqin vaqt ichida pasayishi mumkinligi ham aytib o‘tildi.
