“Lokomotiv” jamoasi bosh murabbiyi Mixail Galaktionov himoyachi Ilya Samoshnikovning kelajagi haqidagi savollarga o‘z munosabatini bildirdi. Bu haqida Euro-football.ru xabar berdi.
So‘nggi paytlarda Samoshnikovning jamoani tark etishi mumkinligi haqida turli xabarlar tarqaldi. Murabbiy bu borada shunday dedi: Kim Samoshnikov ketadi deb aytdi?
Chempionat boshlanishidan oldin biz yaxshi suhbatlashdik. U o‘z e’tiborini klubdagi o‘yinlarga qaratganini va jamoaga yordam berishga tayyor ekanini aytdi.
Galaktionovning so‘zlariga ko‘ra, Samoshnikov “Lokomotiv” uchun bor kuchini ishga solishga va’da bergan. Shu bilan birga, yaqinda futbolchining agenti Aleksey Babir ham Samoshnikovga boshqa jamoalardan ham qiziqishlar borligini ma’lum qildi.
Jumladan, “Spartak” klubi ham himoyachini o‘z safiga qo‘shib olish uchun muzokaralar olib bormoqda. Agentning aytishicha, Samoshnikovga faqat bitta klub emas, boshqa jamoalar ham qiziqish bildirgan.
Transfermarkt ma’lumotiga ko‘ra, Samoshnikovning transfer narxi 3,5 million yevroga baholanmoqda. Hozircha futbolchining qaysi jamoada faoliyatini davom ettirishi noma’lumligicha qolmoqda.
