Ueyn Runi: “Manchester Yunayted” tarkibida jiddiy o‘zgarish qilish kerak!

Angliya futboli afsonasi, “Manchester Yunayted” tarixida eng ko‘p gol urgan futbolchi Ueyn Runi jamoaning hozirgi holati haqida keskin fikr bildirdi. Uning fikriga ko‘ra, jamoada juda katta tarkibiy o‘zgarishlar zarur.

“Jamoa o‘zini yo‘qotib qo‘ygan”

Runining ta’kidlashicha, hozirgi “Manchester Yunayted” o‘zini yo‘qotgan va o‘yinchilarda mag‘lubiyatga nisbatan to‘g‘ri munosabat shakllanmagan. “Jamoa cho‘chib qolgandek ko‘rinmoqda. Faqat Brunu Fernandesh yaxshi natija ko‘rsatyapti, biroq u ham ba’zan hammaning jahlini chiqaradi”, — dedi u.

Runining fikriga ko‘ra, jamoaning hozirgi tarkibida jiddiy o‘zgarishlar bo‘lishi kerak. “Mening fikrimcha, 10-15 nafar futbolchi klubni tark etishi lozim. Balki klub bunday qilmas, lekin bu jamoada hech kim mas’uliyatni o‘z zimmasiga olmayapti”, — deb ta’kidladi u.

Faqat Fernandesh va Maynu qolishga loyiq

Runi jamoada faqat Brunu Fernandesh va Kobbi Maynuni qoldirishni ma’qul ko‘rmoqda. “Hozirgi mentalitet shundayki, o‘yinchilar mag‘lubiyatni osonlikcha qabul qilishmoqda. Ular faqat 'keyingi o‘yinda g‘alaba qozonishga harakat qilamiz' degan gaplar bilan o‘zlarini osonlikcha oqlashmoqda”, — dedi sobiq hujumchi.

“Haqiqiy xarakter ko‘rsatish kerak”

Runi futbolchilarni yanada kuchli va maqsadga intilish ruhiyatida harakat qilishga chaqirdi. “Maydonda xarakter ko‘rsating, oxirigacha kurashing. Hozirgi holatga qarab, qalbim og‘riyapti”, — deya o‘z xafaqonligini bildirib o‘tdi u.

Runining tanqidiy fikrlari jamoa va muxlislar orasida katta muhokamalarga sabab bo‘ldi. Kelajakda “Manchester Yunayted” tarkibida qanday o‘zgarishlar ro‘y beradi, buni vaqt ko‘rsatadi.