Vulverxempton norvegiyalik Volfe bilan muzokara olib bormoqda
Angliyaning “Vulverxempton” klubi yozgi transferlar mavsumida to‘rtinchi futbolchini o‘z safiga qo‘shishga yaqin turibdi. Bu haqida Euro-football.ru xabar berdi.
Bu haqda taniqli sport jurnalisti xabar bergan. Klub himoyachi David Myoller Volfeni xarid qilishni rejalashtirmoqda.
23 yoshli norvegiyalik futbolchi hozirda Niderlandiya chempionatida ishtirok etuvchi “AZ Alkmaar” jamoasida o‘ynaydi. Ma’lumotlarga ko‘ra, futbolchini xarid qilish uchun klub taxminan 11 million yevro to‘lashga tayyor.
David Myoller Volfe Niderlandiya va Norvegiya chempionatlarida yaxshi to‘p uzatishlari bilan mashhur. U o‘zining maydondagi to‘g‘ri joylashuvi va jismoniy kuchi bilan ham yuqori baholanadi.
O‘tgan mavsumda u klub darajasida 47ta o‘yinda maydonga tushib, 8 marta ogohlantirish va 2 marta chetlatish olgan. Shuningdek, u 3ta gol urgan va 8ta golli uzatma amalga oshirgan.
Ayni paytda David Myoller Volfe tibbiy ko‘rikdan o‘tish uchun “Vulverxempton” jamoasiga yetib kelgan. Uni xarid qilishga Fransiyaning “Lill” klubi ham qiziqish bildirgan edi.
Hozirda futbolchining kelajagi bo‘yicha so‘nggi muzokaralar olib borilmoqda.
