Rodrigo de Paul yaqinda Madridning Atletiko jamoasidan Inter Mayami klubiga o‘tdi. Bu haqida Euro-football.ru xabar berdi.
31 yoshli futbolchi yangi jamoa taklifini qabul qilishda ko‘p o‘ylanmadi. Argentinalik futbolchi klub darajasida Lionel Messi bilan birga to‘p surish imkoniyatidan juda xursand bo‘ldi.
Shu sababli u taklifga tezda rozilik berdi va to‘rt yil davomida harakat qilgan Atletiko safini tark etdi. Rodrigo de Paul o‘z intervyusida shunday dedi: Atletiko futbolchisi bo‘lgan paytimda jahon chempionatida ishtirok etdim va g‘olib bo‘ldim.
Bu natijada klub va bosh murabbiy Diego Simeonening ham hissasi katta. Simeone bilan munosabatlarim yaxshi bo‘lgan, biz doim futbol va hayot haqida ko‘p suhbatlashganmiz.
U meni doim qo‘llab-quvvatladi va himoya qildi. Ketish vaqti kelganida men Simeone bilan samimiy so‘zlar almashdim.
Uning qo‘l ostida ko‘p narsalarni o‘rgandim va bu haqda unga aytdim. Ha, biz birga hech qanday sovrin yutmadik, biroq Chempionlar ligasidagi ishtirokdan katta zavq oldim.
Albatta, Simeone menga katta ta’sir ko‘rsatgan murabbiylardan biri bo‘ldi. Bu to‘rt yil davomida yaxshi va yomon kunlar ham bo‘ldi, eng asosiysi, shu davrda men o‘zimni yanada rivojlantirdim.
