Gavi: Barselona Chempionlar ligasida g‘alaba istaydi
"Barselona" jamoasining yarim himoyachisi Gavi yangi mavsum oldidan jamoa oldiga qo‘yilgan maqsadlar haqida gapirdi. Bu haqida Euro-football.ru xabar berdi.
Uning ta’kidlashicha, jamoa o‘tgan mavsum ichki musobaqalarda barcha sovrinlarni qo‘lga kiritgan, Chempionlar ligasida esa yarim finalgacha yetib borgan. Yarim finalda kataloniyaliklar Italiyaning "Inter" klubiga imkoniyatni boy bergan.
Gavi intervyusida shunday dedi: "Maqsadlarimiz aniq. O‘tgan mavsumdagi yutuqlarimizni takrorlashni istaymiz, biroq bu safar Chempionlar ligasida ham g‘alaba qozonish niyatidamiz.
Bu turnirda g‘olib chiqishni har bir futbolchi orzu qiladi. Oldimizga kun sayin, o‘yinma-o‘yin harakat qilishni maqsad qilganmiz.
Mavsum oxiriga borib, natijamiz qanday bo‘lishini ko‘ramiz". Yangi mavsum startida "Barselona" bosh murabbiyi Xans-Diter Flik boshchiligida 16-avgust kuni safarda "Malorka" jamoasiga qarshi La Liga birinchi tur uchrashuvida maydonga tushadi.
Jamoa muxlislari va futbolchilarning umidlari yuqori, ular yangi mavsumda ham yuqori natijalarga erishmoqchi.
