Superliganing 2-turidan o‘rin olgan "Andijon" - "Nasaf" (1:1) uchrashuvidan so‘ng mehmonlar bosh murabbiyi Ro‘ziqul Berdiyev matbuot anjumanida ishtirok etdi.
- Ajoyib o‘yin bo‘ldi. Bunday muhitda o‘ynash har bir jamoa uchun yoqimli. Muxlislarga minnatdorchilik bildirish kerak.
O‘yinning boshidagi bosimga dosh bera olmadik. Shuning evaziga gol o‘tkazib yubordik. To‘p nazoratiga urg‘u qaratdik va vaziyatlar yarata oldik. Ikkinchi bo‘limda har ikki jamoada imkoniyatlar bo‘ldi. Biroq, bugun durang natija qayd etildi.
- "So‘g‘diyona" bilan o‘yindan keyin bugun rotatsiya qilganingizga sabab nima?
- Biz o‘zgarishlarga majbur bo‘ldik. Sherzod Nasrullayev jarohat oldi. Nurullayev va Cholovich rotatsiya qilindi. Tarkibimizda yetarlicha futbolchilar bor, barchasiga imkoniyat taqdim etishimiz kerak.
- Xebay 2 ta turdan buyon o‘ynamayapti. Uning holati qanday?
- Xebayning holati yaxshi, bir oz betob. FIFA kunlaridagi tanaffusdan so‘ng jamoa safiga qaytadi.
Manba: championat.asia
