Sobiq ispaniyaning "Selta" va Moskvaning "Spartak" jamoalarida o‘ynagan Aleksandr Mostovoy Moskva shahri CSKA klubining markaziy himoyachisi Villian Roshaning jamoani tark etishi ehtimoli haqida fikr bildirdi. Bu haqida Euro-football.ru xabar berdi.
Ma’lum qilinishicha, futbolchiga Birlashgan Arab Amirliklarining "Al-Jazira" klubi qiziqish bildirmoqda. Aleksandr Mostovoyning so‘zlariga ko‘ra, Rosha jiddiy va tajribali himoyachi hisoblanadi.
Agar u jamoani tark etsa, CSKA uchun mavsum davomida uning o‘rni bilinadi va uni to‘liq o‘rnini bosadigan futbolchi topish qiyin bo‘ladi. Ekspertning fikriga ko‘ra, Roshaning yo‘qligi jamoaning natijalariga salbiy ta’sir ko‘rsatishi mumkin.
Ma’lumot uchun, 30 yoshli braziliyalik himoyachi Villian Rosha 2022 yil sentabr oyidan buyon CSKA safida o‘ynamoqda. Uning klub bilan tuzgan mehnat shartnomasi 2027 yilning yozigacha amal qiladi.
Transfermarkt portali ma’lumotiga ko‘ra, Villian Roshaning bozor bahosi olti million yevroga teng.
