“Pari NN” va “Lokomotiv” uchrashuvini atigi 232 muxlis tomosha qildi
Shanba kuni Rossiya oliy ligasida “Pari NN” va “Lokomotiv” jamoalari o‘rtasida uchrashuv bo‘lib o‘tdi. Bu haqida Euro-football.ru xabar berdi.
Uchrashuv Grozniy shahrida tashkil etildi, chunki Nijniy Novgoroddagi stadionda ta’mirlash ishlari olib borilmoqda. Shu sababli, uchrashuv boshqa shaharga ko‘chirildi va natijada tomoshabinlar soni juda kam bo‘ldi.
Rasmiy ma’lumotlarga ko‘ra, “Axmat Arena” stadioniga atigi 232 nafar muxlis tashrif buyurgan. Ma’lumot uchun, “Lokomotiv” jamoasi safarda “Pari NN” ustidan 3:2 hisobida g‘alaba qozondi.
Shu natijadan so‘ng, Mixail Galaktionov boshchiligidagi “Lokomotiv” jamoasi Rossiya oliy ligasida peshqadamlikni saqlab qoldi. Keyingi o‘yin ham “Pari NN” uchun o‘z maydonida bo‘lishiga qaramasdan, boshqa shaharda o‘tkaziladi.
Jamoa Rossiya Kubogi doirasida “Rostov”ga qarshi uchrashuvni Yekaterinburg shahrida o‘tkazishi rejalashtirilgan. Bu holat muxlislar soniga va jamoa uchun muayyan qiyinchiliklarga sabab bo‘lishi mumkin.
