Bugun
Yangi BYD Sea Lion 05 rasman taqdim etildi
+8°
ясно ветер 2.1 м/с, В

Gvardiola Husanov avtogol urgan uchrashuvdan keyin nimalar dedi?

Sport Kecha, 23:55 0
Gvardiola Husanov avtogol urgan uchrashuvdan keyin nimalar dedi?
Angliya Premer-ligasining 29-turida kelasi mavsum uchun Yevropa Chempionlar ligasi yo‘llanmasini beradigan o‘rinlar uchun kurashayotgan ikki jamoa – “Manchester Siti” va “Brayton” o‘zaro kuch sinashdi.

“Etixad” arenasidagi uchrashuvda mezbonlar ikki marta hisobda oldinga chiqib oldi. Avvaliga 11-daqiqada Umar Marmush ishlagan penaltini Erling Xoland aniq bajardi.

Bu gol Erling Xoland nomini Angliya Premer-ligasi tarixiga yozdi. Norvegiyalik charm to‘p ustasi musobaqa tarixida 100 ta samarali harakatni eng tez amalga oshirgan o‘yinchi sifatida rekord o‘rnatdi. Xoland Angliya Premer-ligasida gol+pas tizimi bo‘yicha 100 ballni yuztadan kam uchrashuvda to‘plagan birinchi va hozircha yagona futbolchiga aylandi. 24 yoshli forvard bu natijaga erishishi uchun 94 ta uchrashuv kifoya qildi.

“Brayton” futbolchilari Manchesterdan quruq qaytgani yo‘q. Dastlab, Xolandning goliga Estupinyan o‘n daqiqa ichida javob berdi. Uning jarimadan yo‘llagan zarbasi ustunga tegib, darvoza to‘ridan joy oldi.

Mezbonlarni birinchi bo‘limning o‘zida Umar Marmush hisobda oldinga olib chiqqan bo‘lsa, “Brayton”ning safardan ochko olib qaytishiga Abduqodir Husanov ko‘maklashib yubordi. Hamyurtimiz o‘yinning 48-daqiqasida raqib yo‘llagan zarbani qaytarishga chog‘langan legionerimiz to‘pni o‘z darvozasiga kiritib qo‘ydi – 2:2.

Ushbu avtogol Xosep Gvardiolaga antirekord olib keldi. Bu “Manchester Siti” joriy mavsumda o‘tkazgan 40-gol bo‘ldi. Xosep Gvardiola “shaharliklar”ni 2016 yildan beri boshqarayotgan bo‘lsa, jamoa hali birorta mavsumda o‘z darvozasidan buncha ko‘p to‘p olib chiqmagan. Faqatgina ispaniyalik mutaxassis shogirdlari uning debyut mavsumi – 2016-2017 yilgi chempionatda 39 ta gol o‘tkazgan edi.

Uchrashuvdan keyin Xosep Gvardiola o‘z fikrlari bilan o‘rtoqlashdi. O‘z darvozasiga to‘p kiritib qo‘ygan Abduqodir Husanovni malomat qilgani yo‘q, aksincha o‘zbek legionerining o‘yinini maqstadi.

- Yaxshi o‘yin bo‘ldi, uchrashuv katta bosim ostida o‘tdi. Biz hozir qilayotgan ishlar juda qiyinchilik bilan bo‘layotganini juda yaxshi bilaman.

O‘yinchilar maydonda borini berdi, biz bir ochkoga ega bo‘ldik va kurashni davom ettiramiz. Albatta, ishonchim bor. Har doim shunday bo‘lgan.

Yosh futbolchilar yaxshi o‘ynadi, ayniqsa, himoyachilarimiz aql bilan harakat qildi. Ruben Diash va Abduqodir Husanov fantastik darajada o‘ynadi. "Nottingem Forest" bilan bo‘lgan o‘yinga qaraganda bu gal ancha yaxshi to‘p tepdik, ikkita gol urdik va yana darvozani ishg‘ol qilish uchun vaziyatlar yaratdik.

Biz g‘alabaga yaqin edik, lekin unga erisha olmadik, - dedi Xosep Gvardiola.

WhoScored statistika portali uchrashuvda futbolchilarning harakatlarini tahlil qilib, ularni baholadi. “Manchester Siti” o‘yinchilaridan eng kam ko‘rsatkich – 6 ball Abduqodir Husanov, Ruben Diash va Fil Fodenga berildi. Jamoaning ikkita goliga katta hissa qo‘shgan Umar Marmushning o‘yini 8,1 ballga loyiq ko‘rildi.

“Manchester Siti” navbatdagi uchrashuvini 30 mart kuni Angliya kubogi doirasida “Bornmut” jamoasiga qarshi o‘tkazadi.

O‘xshash yangiliklar

Bir uchrashuvda Xoland rekord, Husanov antirekord o‘rnatdi!
Bir uchrashuvda Xoland rekord, Husanov antirekord o‘rnatdi!
Angliya Premer-ligasining 29-turida kelasi mavsum uchun Yevropa Chempionlar ligasi yo‘llanmasini beradigan o‘rinlar uchun kurashayotgan ikki jamoa – “Manchester Siti” va “Brayton” o‘zaro kuch
Sport Bugun, 00:12
“Manchester Siti” klubi Abduqodir Husanov haqida hali hech qayerda chop etilmagan maqola e’lon qildi
“Manchester Siti” klubi Abduqodir Husanov haqida hali hech qayerda chop etilmagan maqola e’lon qildi
“Manchester Siti” klubi o‘z ijtimoiy sahifasida, jamoa muxlislarining qalbini tezda zabt etgan yosh futbolchi Abduqodir Husanov haqida ilgari hech qayerda chop etilmagan ma’lumotlar, oilaviy
Sport 22:33, 14-03-2025
Gollivudning “Gremmi” mukofotiga loyiq koʻrilgan aktyor va aktrisalari
Gollivudning “Gremmi” mukofotiga loyiq koʻrilgan aktyor va aktrisalari
3 fevral kuni “Gremmi” mukofotining 67-marosimi boʻlib oʻtdi. An'anaga koʻra, bu mukofot musiqa sohasidagi yutuqlar uchun topshiriladi. Biroq mukofot allaqachon oʻz doirasini kengaytirib,
Madaniyat 21:48, 14-02-2025
Shavkat Mirziyoyev xotin-qizlarni 8 mart bilan tabrikladi
Shavkat Mirziyoyev xotin-qizlarni 8 mart bilan tabrikladi
O‘zbekiston prezidenti Shavkat Mirziyoyev 8 mart – Xalqaro xotin-qizlar kuni munosabati bilan o‘tkazilgan tantanali marosimda so‘zlagan nutqida mamlakat xotin-qizlarini tabrikladi. Davlat rahbari
Jamiyat 17:56, 7-03-2025
Ukraina Amerika qurollarisiz omon qoladimi?
Ukraina Amerika qurollarisiz omon qoladimi?
Foto: Getty Images AQSHning keng ko‘lamli urushning uch yili davomida Ukrainaga ko‘rsatib kelingan harbiy yordami to‘xtatilishi mumkin. Har holda, Amerika prezidenti Donald Tramp bu variantni
Dunyo 21:55, 2-03-2025