Patrik Shik Leverkuzenning “Bayer” klubi bilan shartnomasini uzaytirdi. Bu haqida Euro-football.ru xabar berdi.
Klubning rasmiy saytida e’lon qilingan ma’lumotga ko‘ra, 29 yoshli chexiyalik hujumchi “Bayer” jamoasi bilan besh yilga mo‘ljallangan yangi mehnat shartnomasini imzoladi. Yangi kelishuv 2030 yil o‘rtalariga qadar amal qiladi.
Bungacha futbolchining shartnomasi 2027 yilning yarmigacha tuzilgan edi. Patrik Shik 2020 yilning kuzida “Roma” klubidan “Bayer”ga o‘tganidan beri ushbu jamoada to‘p surmoqda.
Shu vaqt mobaynida u “Bayer” safida 168 ta rasmiy o‘yinda ishtirok etib, 81 ta gol urdi va 12 ta golli uzatmani amalga oshirdi. O‘tgan mavsumda “Bayer” Germaniya Bundesligasida ikkinchi o‘rinni egalladi.
Avvalgi mavsumda esa Leverkuzen klubi o‘z tarixida ilk bor Germaniya chempioni bo‘ldi. Shu tariqa, Patrik Shik klubning asosiy hujumchilaridan biri sifatida o‘zini ko‘rsatmoqda va jamoaga muhim hissa qo‘shmoqda.
