CSKA futbol klubi matbuot xizmati rahbari Kirill Breydo himoyachi Villian Rosha bilan bog‘liq vaziyat haqida rasmiy ma’lumot berdi. Bu haqida Euro-football.ru xabar berdi.
Avvalroq, braziliyalik futbolchi yaqinda "Al-Jazira" jamoasiga o‘tishi mumkinligi haqida xabarlar tarqalgan edi. Breydo so‘zlariga ko‘ra, Rosha klubga shartnomasidagi sotib olish bandini faollashtirishga qaror qilgani haqida rasman xabar berdi.
CSKA rahbariyati bu holatda to‘lov bir martalik tarzda, ya’ni bir yo‘la klub hisob raqamiga tushishi lozimligini ta’kidladi. Faqatgina mablag‘ klub hisobiga o‘tkazilgandan so‘ng, kelishuv rasman kuchga kiradi.
Shuningdek, oddiy yozma ogohlantirish asosida emas, balki to‘lov amalga oshirilganidan keyin transfer rasmiylashtiriladi. Bundan tashqari, Breydo klub himoyachisi Rosha bilan bog‘liq vaziyat sababli yangi markaziy himoyachi qidirayotganini ham ma’lum qildi.
Hozirda CSKA bu borada faol muzokaralar olib bormoqda. Villian Rosha CSKA safida 106 ta rasmiy uchrashuvda maydonga tushib, 7 ta gol urgan va 9 ta golli uzatma amalga oshirgan.
Klub futbolchi xizmatlariga minnatdorlik bildiradi va kelgusidagi faoliyatida muvaffaqiyat tilaydi.
