2011-yildan beri Liviyada fuqarolar urushi davom etmoqda. Bu haqida Euro-football.ru xabar berdi.
Bu urush ochiq shaklda emas, biroq hali ham faol tarzda kechmoqda. Mamlakat bir necha hududlarga bo‘linib ketgan.
Bunga Liviyaning murakkab geografik joylashuvi ham sabab bo‘lmoqda. Hozirgi kunda liviyaliklarni birlashtirib turgan eng asosiy omil futbol hisoblanadi.
Qizig‘i shundaki, Liviyada chempionat o‘tkazilishi davom etmoqda. Ba'zi hollarda esa mamlakatdagi vaziyat sababli chempionat o‘yinlari boshqa davlatlarda o‘tkazilmoqda.
Yaqinda Italiyaning Milan shahrida Liviya chempionati pley-off bosqichi doirasida ikki liviyalik jamoa – Tripolidan “Al-Ittihod” va Misuratadan “As-Svehli” o‘zaro bahs olib bordi. Ushbu o‘yinni tomosha qilish uchun Liviyadan taxminan saksonga yaqin muxlis kelgan.
Stadionda ular tashrif buyurgan yagona tomoshabinlar edi. Uchrashuv murosasiz tarzda o‘tib, 3:2 hisobida yakunlandi.
Shu tarzda, Liviyada murakkab vaziyat davom etayotgan bo‘lsa-da, futbol mamlakat ahlini birlashtirishda muhim rol o‘ynamoqda.
