Ispaniya La Ligasining muhim uchrashuvi – "Atletiko Madrid" va "Barselona" o‘rtasidagi bahs birinchi bo‘lim yakunlandi. Hozircha 1:0 hisobida "Atletiko" ustunlik qilmoqda.
Uchrashuvning yagona goli Xulian Alvares tomonidan 45+2-daqiqada urildi. Madrid klubi himoyaga e’tibor qaratgani holda samarali hujumlar uyushtirdi.
"Barselona" esa to‘pni 64% nazorat qildi, 321 ta pas berdi, ammo bu hujumlarning samaradorligiga ta’sir qilmadi. Har ikki jamoa 4 tadan zarba yo‘llagan, ammo nishonga teggan zarbalar ham bir xil – 1 tadan.
Ikkinchi bo‘limda "Barselona" hisobni tenglashtirishga urinadi, "Atletiko" esa himoyada ehtiyotkorlik bilan o‘ynab, g‘alabasini mustahkamlashga harakat qiladi.
