“Manchester Siti” Pep Gvardiolaning o‘rniga yangi murabbiy izlamoqda
“Manchester Siti” joriy mavsumda Angliya kubogidan boshqa hech qanday sovringa jiddiy da’vogarlik qilolmayapti. Milliy chempionatdagi qoniqarli bo‘lmagan natijalar ham klub rahbariyatini tashvishga solmoqda.
E-noticies nashrining xabar berishicha, klub Xosep Gvardiola bilan xayrlashishga tayyor va uning o‘rnini bosishga nomzod allaqachon aniqlangan.
“Siti” Fabregasga ishonmoqda
Manbaga ko‘ra, “Manchester Siti” hozirda Italiyaning “Komo” klubini boshqarayotgan Sesk Fabregasni yangi bosh murabbiy sifatida ko‘rmoqda. Klub mutasaddilari yozda Fabregasni taklif qilish uchun barcha imkoniyatlarini ishga solishi kutilmoqda.
Fabregas hali murabbiylik faoliyatini endigina boshlagan bo‘lsa-da, u Angliya futboli va Premer-liga muhitini juda yaxshi biladi. U futbolchilik davrida “Arsenal” va “Chelsi” kabi Angliyaning eng kuchli klublarida to‘p surgan. Bundan tashqari, u “Barselona”, “Monako” va “Komo” jamoalarida ham faoliyat olib borgan.
Gvardiolaning ketishi aniqmi?
Xosep Gvardiola 2016 yildan buyon “Manchester Siti”ni boshqarib kelmoqda. U jamoani Yevropaning eng qudratli klublaridan biriga aylantirdi, biroq bu mavsumda Yevropa Chempionlar Ligasi va Angliya Premer-ligasida kutilgan natijalarga erisha olmayapti.
Gvardiolaning jamoa bilan shartnomasi 2025 yilga qadar amal qiladi, ammo klub rahbariyati uning o‘rniga yangi murabbiy olib kelish imkoniyatini ko‘rib chiqmoqda.
Agar bu reja amalga oshsa, Sesk Fabregas “Manchester Siti” tarixidagi eng yosh murabbiylardan biriga aylanishi mumkin.
