“Sochi” futbol klubi yangi mavsumni muvaffaqiyatsiz boshladi. Bu haqida Euro-football.ru xabar berdi.
Jamoa Premer-liganing dastlabki uch uchrashuvida mag‘lubiyatga uchradi va umumiy hisobda atigi bir gol urib, to‘qqizta gol o‘tkazib yubordi. Klub hozirda tarkibni kuchaytirish maqsadida transfer bozorida faol ish olib bormoqda.
Metaratings manbalariga ko‘ra, “Sochi” klubi “Spartak” jamoasida to‘p surayotgan markaziy himoyachi Aleksis Duartega qiziqish bildirgan. Hozirda 25 yoshli Paragvay futbolchisini ijaraga olish masalasi muhokama qilinmoqda.
Biroq, “Spartak” rahbariyati yangi markaziy himoyachi sotib olmaguncha Duarte klubni tark etmaydi. Aleksis Duartenning “Spartak” bilan amaldagi shartnomasi yana ikki mavsum davom etadi va 2027 yilning o‘rtasiga qadar kuchda bo‘ladi.
Mutaxassislar va Transfermarkt portali ma’lumotlariga ko‘ra, Paragvay futbolchisining transfer qiymati uch million yevroga baholanmoqda. Shu sababli, “Sochi” klubi futbolchini o‘z safiga qo‘shib olish uchun muzokaralarni davom ettirmoqda.
Klub rahbariyati jamoani kuchaytirish uchun barcha imkoniyatlarni ishga solmoqda.
