“Manchester Yunayted” Garnacho transfer narxini belgiladi
Alejandro Garnacho yozgi transfer oynasida “Manchester Yunayted” klubidan “Chelsi” jamoasiga o‘tishi mumkin. Bu haqida Euro-football.ru xabar berdi.
London klubi 21 yoshli argentinalik futbolchini tarkibiga qo‘shib olish bo‘yicha muzokaralarni faollashtirgan. Bu haqda The Telegraph nashri xabar bermoqda.
Manbaga ko‘ra, “Manchester Yunayted” rahbariyati Garnachoga “Chelsi” uni sotib olish uchun 50 million funt to‘lashi kerakligini bildirgan. Bu mablag‘ taxminan 58 million yevroga teng.
Biroq “Chelsi” klubi futbolchining transfer narxini bundan pastroq deb hisoblamoqda. Ayniqsa, Garnacho “Manchester Yunayted” bosh murabbiyi Ruben Amorimning rejalariga kirmagani sababli, londonliklar futbolchiga unchalik yuqori baho bermayapti.
Oldinroq ommaviy axborot vositalarida Garnachoning o‘zi ham aynan “Chelsi” safida o‘ynash istagini bildirgani haqida xabarlar chiqqan edi. Hozircha transfer borasida yakuniy qaror qabul qilinmagan.
Muzokaralar davom etmoqda va tomonlar kelishuvga erishish uchun harakat qilmoqda.
