Saudiya Arabistonining “Al-Nasr” futbol klubi yana bir mashhur futbolchini o‘z safiga qo‘shishni rejalashtirmoqda. Bu haqida Euro-football.ru xabar berdi.
Ma’lumotlarga ko‘ra, klub hozirda Germaniyaning “Bavariya” jamoasida to‘p surayotgan fransiyalik futbolchi Kingsli Koman bilan muzokaralarni boshlagan. 29 yoshli Kingsli Koman “Al-Nasr” uchun qanot hujumchisi pozitsiyasidagi asosiy nomzodlardan biri sifatida ko‘rilmoqda.
Eslatib o‘tamiz, “Al-Nasr” tarkibida bir necha yildan buyon dunyoga mashhur Krishtianu Ronaldu ham harakat qilmoqda. Joriy yoz mavsumida klub transfer bozorida faol ish olib bormoqda hamda yangi futbolchilarni jalb etishga harakat qilmoqda.
Maqsad – kelayotgan mavsumda yuqori natijalarga erishish va sovrinlar uchun kurashishdir. Mutaxassislarning baholashicha, Kingsli Komanning transfer qiymati hozirda 30 million yevroga teng.
Shu bois, uning “Al-Nasr”ga o‘tishi katta e’tibor va qiziqish uyg‘otmoqda. Klub rahbariyati ham jamoani kuchaytirish uchun yangi futbolchilarni jalb qilishda davom etmoqda.
