O‘zbekiston milliy terma jamoasi Qirg‘izistonga qarshi qanday libosda o‘ynaydi?
Ertaga O‘zbekiston milliy terma jamoasi 2026 yilgi Jahon chempionati saralash bosqichi doirasida Qirg‘iz Respublikasiga qarshi muhim o‘yin o‘tkazadi. Bugun ushbu bahs oldidan jamoalar rasmiylari ishtirokida rasmiy uchrashuv bo‘lib o‘tdi.
Uchrashuv davomida Osiyo futbol konfederatsiyasi (OFK) tomonidan o‘yinga oid bir qator masalalar muhokama qilindi. Xususan, marketing, tibbiyot va xavfsizlik yo‘nalishlari bo‘yicha rasmiy shaxslarga zaruriy tushuntirish va eslatmalar berildi.
O‘yindagi liboslar
Milliy jamoamiz ushbu bahsda an’anaviy oq libosda harakat qilishi ma’lum bo‘ldi. Shuningdek, terma jamoamizning darvozaboni yashil libosda maydonga tushadi. Qirg‘iz Respublikasi terma jamoasi esa qizil rangdagi sport formasida o‘ynaydi.
Mazkur bahs saralash bosqichidagi muhim uchrashuvlardan biri hisoblanib, har ikki jamoa uchun juda katta ahamiyatga ega. O‘zbekiston milliy jamoasi muxlislari ushbu uchrashuvni katta intizorlik bilan kutishmoqda va jamoamizga g‘alaba tilamoqdalar.
