Abduqodir Husanov o‘z intervyusida berilgan savollarga qanday javob berdi?
O‘zbekiston milliy terma jamoasi himoyachisi Abduqodir Husanov bugungi mashg‘ulotlar oldidan jurnalistlarga kichik intervyu berdi.
– O‘yinga tayyorgarliklar qanday?
– Tayyorgarlik yaxshi. O‘yinga tayyormiz.
– Abduqodir, taassurotlar qanday?
– Taassurotlar zo‘r.
– Terma jamoaga yangi bosh murabbiy tayinlangan, shu haqida fikringiz qanday? Siz baribir Kapadze bilan birga ishlagansiz.
– Bu yerdagi ko‘pchilik birga ishlagan. Yaxshi hammasi.
– Qirg‘iziston bilan ikkinchi o‘yin. Bu uchrashuvni avvalgisidan qanday farqi bo‘ladi?
– Kattaroq hisobda yutishga harakat qilamiz.
– Ko‘pchilikni qiynayotgan savol. Timur Kapadze uchta markaziy himoyachi bilan o‘ynaydimi yoki ikkitami? Bu haqida hali ma’lumot berilmadimi?
– Men bu yerda o‘yinchiman, murabbiy emas.
– Klubdagi mashg‘ulotlar zavqliroqmi yoki terma jamoadagi?
– Ikkalasi ham zavqli.
– Kojo uchrashuvda qanchalik muammo tug‘dirishi mumkin?
– O‘yinda ko‘ramiz.
– Muxlislarga nima deysiz?
– Muxlislardan qo‘llab-quvvatlashlarini so‘raymiz. Sizlar bilan osonroq bo‘ladi.
– Pep sizni ingliz tilini yaxshi bilmaydi degandi. Til o‘rganish jarayoni qanday ketyapti?
– Hammasi yaxshi. Sekin o‘rganyapmiz.
