"Arsenal" jamoasining bosh murabbiyi Mikel Arteta jamoaga yordam berishi mumkin bo‘lgan yangi usulni sinab ko‘rdi. Bu haqida Euro-football.ru xabar berdi.
So‘nggi uy o‘yinlarida "Emireyts" stadionida odatda o‘rnatiladigan chiqish yo‘lagi olib tashlandi. Bu yo‘lak stadionning ichki qismidan maydonga olib chiqadigan maxsus inshoot bo‘lib, ilgari har bir o‘yinda ishlatilardi.
Arsenal Fixture News nashrining xabar berishicha, Mikel Arteta ushbu yo‘lakni olib tashlashni so‘ragan. Sababi, bu inshoot tribunadan kelayotgan shovqinni pasaytirib, mehmon jamoa futbolchilariga bosimni kamroq his qilish imkonini bergan.
Murabbiy esa stadiondagi muhit raqib uchun yanada qo‘rqinchli bo‘lishini istaydi. Shuning uchun, tribunadagi shovqin va muxlislarning qo‘llab-quvvatlashi to‘liq eshitilishi uchun ushbu yo‘lak olib tashlandi.
Angliya Premyer-ligasining birinchi turida "Arsenal" 17-avgust kuni safarda "Manchester Yunayted" jamoasiga qarshi o‘ynaydi. Arteta jamoasi uchun birinchi uy o‘yini esa 23-avgust kuni "Lids"ga qarshi bo‘lib o‘tadi.
Jamoa murabbiyi va futbolchilar yangi uslub orqali o‘z maydonida kuchli natija ko‘rsatishga umid qilmoqda.
