Italiya terma jamoasi va Parij klubi darvozaboni Janluiji Donnarumma “PSJ” rahbariyatining u bilan shartnomani uzaytirmaslik qaroridan norozi. Bu haqida Euro-football.ru xabar berdi.
U klubning bu qaroridan hafsalasi pir bo‘lgani aytilmoqda. Bundan tashqari, Donnarumma o‘zini “Tottenxem”ga qarshi bo‘lib o‘tadigan UEFA Superkubogi uchrashuvi uchun tarkibga kiritilmagani sababli ham noroziligini bildirgan.
Ma’lumotlarga ko‘ra, Donnarumma “PSJ”ning yangi shartnoma bo‘yicha kelishuvga erisha olmagani va Lukash Shevalening jamoaga qo‘shilishi ortidan o‘z pozitsiyasini yaqin kunlarda aniq qilib beradi. Bu haqda sport jurnalisti Fabrizio Romano xabar berdi.
Shuningdek, manbaga ko‘ra, Donnarumma jamoani tark etishi aniq bo‘lgan. “PSJ” va “Tottenxem” o‘rtasidagi uchrashuv 13 avgust kuni Udine shahrida bo‘lib o‘tadi.
Parij klubi ayni paytda Chempionlar ligasi so‘nggi g‘olibi hisoblanadi. “Tottenxem” esa o‘tgan mavsumda Yevropa ligasida zafar quchgan.
Shu tariqa, ikki kuchli jamoa Superkubok uchun bahs olib boradi.
