Londonning “Vest Hem” jamoasining sobiq hujumchisi Maykl Antonio “Nyukasl” hujumchisi Aleksandr Isakni qo‘llab-quvvatladi. Bu haqida Euro-football.ru xabar berdi.
Ma’lumot uchun, shved futbolchisi Aleksandr Isak “Liverpul” bilan muzokaralar boshlagani sababli jamoa mashg‘ulotlaridan chetlashtirilgan edi. Maykl Antonio bu borada o‘z fikrini bildirib, futbolchi klubga emas, muxlislarga sodiq bo‘lishi kerakligini ta’kidladi.
Uning so‘zlariga ko‘ra, futbolchi o‘z hayotini yaxshilash, o‘z ustida ishlash va boshqa klubda erisha olmagan natijalarga erishish uchun harakat qiladi. Shu sababli klubga sodiqlikdan ko‘ra, futbolchining o‘z maqsadlariga intilishi muhimroq.
Antonio shuningdek, hozirgi kunda klublar futbolchilarga tovar sifatida qarayotganini, ular kerak bo‘lmay qolganda esa osonlik bilan tark etishlarini aytib o‘tdi. U o‘zi “Vest Hem” tarkibida o‘n yil faoliyat yuritganini eslatib, bugungi kunda futbolchilarni klubga bo‘lgan sadoqat emas, balki shaxsiy ambitsiya va moddiy manfaatlar ko‘proq harakatga keltirayotganini ta’kidladi.
Antonio futbolchilar qaroriga hurmat bilan qarash lozimligini, har bir futbolchi o‘z kelajagini o‘zi belgilash huquqiga egaligini qo‘shimcha qildi.
