Angliyaning "Bornmut" klubi matbuot xizmati Ukraina terma jamoasi himoyachisi Ilya Zabarnıy Fransiyaning "PSJ" klubiga o‘tganini tasdiqladi. Bu haqida Euro-football.ru xabar berdi.
Klub o‘zining rasmiy ijtimoiy tarmoqlari orqali Zabarnıyning "PSJ" futbolchisi bo‘lganini rasman e’lon qildi hamda unga jamoaga qo‘shgan hissasi va o‘yinlari uchun minnatdorchilik bildirdi. Ilya Zabarnıy 22 yoshda bo‘lib, markaziy himoyachi sifatida faoliyat yuritadi.
U Fransiya chempioni bilan besh yillik mehnat shartnomasi imzoladi. Transfer qiymati 63 million yevroga baholandi.
Zabarnıy "Bornmut" tarkibida 2023 yil qishidan beri to‘p surib kelayotgan edi. U Angliya Premer-ligasi doirasida jami 86 uchrashuvda maydonga tushdi.
Ushbu davr mobaynida u bir bor raqib darvozasini ishg‘ol qildi va bir marta golli uzatma amalga oshirdi. Klub rahbariyati va muxlislar uning xizmatlarini qadrlashini ta’kidladi.
