Parij Sen-Jermen jamoasining bosh murabbiyi Luis Enrike jamoaning yangi mavsumdagi maqsadlari haqida ma’lumot berdi. Bu haqida Euro-football.ru xabar berdi.
O‘tgan mavsumda Parij klubi Chempionlar ligasi va Fransiyadagi barcha ichki musobaqalarda g‘oliblikni qo‘lga kiritdi. Bugun esa Luis Enrike boshchiligidagi jamoa navbatdagi sovrinni qo‘lga kiritish imkoniyatiga ega.
Ular UEFA Superkubogi uchun bahs olib borishadi. Final uchrashuvida Parij Sen-Jermen Tottenxem jamoasiga qarshi maydonga tushadi.
Luis Enrikening aytishicha, jamoa mashg‘ulotlarga yaxshi kayfiyatda qaytdi va tarix yaratishda davom etishni istaydi. Uning so‘zlariga ko‘ra, jamoaning asosiy maqsadi Chempionlar ligasida ketma-ket ikki marta g‘olib chiqishdir.
O‘tgan yili ko‘pchilik Parij klubining bu musobaqada zafar quchishiga ishonmagan edi. Biroq ular o‘z orzulariga erishdi va hozirda ikkinchi bor bu yutuqni takrorlashni niyat qilishmoqda.
Parij Sen-Jermen va Tottenxem o‘rtasidagi uchrashuv Moskva vaqti bilan soat 22:00 da boshlanishi rejalashtirilgan. Jamoa muxlislari ushbu muhim o‘yinda o‘z sevimli futbolchilaridan yuqori natija kutishmoqda.
